Shillong, Nailur 13: U Myntri ka tnad ka koit ka khiah u James K Sangma haba jubab ia ka jingkylli u bah Adelbert Nongrum la ong ba ka sorkar kala rai ban tei ia ka Shillong Medical College, ia kane ka jaka pule doktor yn shna ha ka jingiatrei lang ka sorkar bad ki riew shimet. Na ka liang jong ka sorkar kala pan ruh ia ka jingkyrshan na ka DEA jong ka NITI Aayog jong ka sorkar pdeng.
Haba jubab ia ki jingkylli bynrap u myntri ka tnad ka koit ka khiah la ong ba ka sorkar kam don shuh ka jignthmu ban shna ia ka Shillong Medical College ha Mawbah, ka daw ka long ba ka surok ka rit, ka jaka ka long them bad ka rit bad ka jingpynklla ia ki kyndon.
Haba ia dei bad kane ka sorkar jylla kala ai ia ka jaka 50 akar ha New Shillong bad ha kane ka jaka ka sorkar kan tei ia ka Shillong Medical College, u myntri la pyntip ba ia ka jingaisoi soskular bad ka kynhun kaba rim ka sorkar kala pyndamnoh namar ka sorkar kam lah ban pdiang ia ki kyndon ba bun.
Ki kyndon kiba la buh ia kaba ka sorkar kam lah ban pdiang ka long ki kwah jaka shuh, ki kwah ban pynkylla ia ka jingiateh kular ba na ka 30 snem dei banpynkiew sha ka 99 snem bad ki kwah ban pynkiew ia ka bairung klass ban pule doktor ia kaba ka sorkar kam pdiang.
