Shillong, Iaiong 24: Ka Village Durbar UP & Secondary School Swer ha ka 24 tarik ïaiong 2025 ka la pynlong ka “Recognition Day Celebration of Higher Secondary Schools” kum ka jingkmen ba la ioh ia ka jingthuh bala kyntiew ia ka sha ka Higher Secondary School.
Ha ka jingkren u bah Titosstarwell Chyne kumu kongsan u la ong ba walta u hap ban mih noh ka skul hynrei un nym jngai na ka skul bad un nym sngew nongwei ia ka skul bad u la ong “lada phi donkam ia nga, nga kloi ban ia don bynta bad ngan dang wan mih hi katba lah ha kane ka skul”
Ha ka jingkren ka jing u la ong ka Village Durbar UP bad Secondary School Swer ka dei kawei na ki skul ba la pyniaid da ka shnong bad khamniar ban lap hapoh ka Sohra Constituency ki skul ban pyniaid da ka shnong.
Ka long kaba sngewkmen shibun ba kane ka skul ka la jam sha u mawmer ba kane ka skul la ioh ia ka jingithuh ia ka Higher Secondary “ha ka por ba sdang ban seng ia ka Higher Secondary Section nga la ong lada ngim sdang, ngin ym sngewthuh shaei ngin iaid” la ong u bah Titostarwell Chyne.
U bah Titostarwell Chyne u la ong ba ha ka por ba ka skul ka rakhe ia ka jingdap 25 snem ka skul u la ioh ban ai sngewbha ia ka skul daba la lah ban pynioh ia ka ADB Schem ka ba long ban ioh ia ka ingskul kumba ka long mynta.
U bah Titostarwell Chyne u la ong, haba leh ia kano kano ka kam, ngi dei ban don ia ka rai kaba skhem, ka dei ban don ka jingsdang, watla ka dei ka jingsdang kaba rit, hynrei dei ban don ka jingshlur bad ka jingsngewskhem haba sdang ia ka kam
U bah Titostarwell Chyne u la kyntu ruh ia ki khynnah pule, haba ki wan ban pule ha katei ka skul, ba ki dei ban don shuwa ka jingsngew skhem, ka jingkut jingmut halade khnang ban lah ban ioh kheit ia u soh bathiang ha ka jingim.
Ha kane ka sngi ka skul kala pyndon burom ia u bah Jonathan Shangpliang u nonghikai ban shong thiatnoh na ka kam, la iadon ryngkat u Principal ka skul u bah Dmaising Mawniuh, u bah Diko Swer u ba dei EC Member, u bah Wingstar Swer uba dei u SMC, u bah Shanwel Dohling uba dei u Sirdar Swer bad ki riewrangbah. La pynphuh ia kane ka sngi da ki jingrwai bad ki jingshad.
