Shillong, Naiwieng 03: Mynta ka sngi u Superintendent ki Pulit jong ka East Khasi Hills District u la pyntip ba la iohkem saw ngut ki briew kiba suba don kti ban shoh briew ha ka sngi iaid paidbah kaba la khot da seng FKJGP ha ka 28/10/2022.
Na ka liang jong ki pulit ki khlem shnong kli kti ha dien ba kila ithuh ia ki briew kiba la suba ba ki shoh briew ha katei ka jingiaid paidbah ki pulit kila pynlong ia shibun ki jaka ban khynra ha Ri Bhoi bad East Khasi Hills District ha kaba kila ioh ban kem saw ngut ki briew kiba ka kynnoh ba ki don kit ha ka jingshoh briew. Ki pulit kila ong ba dang don kiwei pat kiba phet ban kiar na ka jingshah kem.
Ia kine kiba la shah kem la rah sha iing bishar ha kaba ia dei bad ka ejahar ba la register ha Laitumkhrah Police Station Case No. 150 (10) 22 U/S 324/34/341/ 353/ 505/ 506 IPC bad Shillong Sadar PS Case No. 246 (10) 22 U/S 120B/ 323 /34/ 341/ 353 /427/505/506 IPC R/w Sec.
Ia ki la register ia ka ejahar hapoh ka ain Prevention of Damage to Public Property Act. Ki pulit ki dang thwet jur ban kem sa ia kito kiba dang phet rieh, kane ka long katkum ka kyrwo kaba la phah da u SP ka East Khasi Hills District u bah S.Nongtnger, IPS.
