Shillong, Naiwieng 02: Mynta ka sngi ka tnad pulit CID kala kem ia u bah G K Iangrai MPS ba dei Assistant Inspector General ka tnad pulit halor ka jingshah kynnoh bamsap ha kaba ia dei bad ka jingtei ia ka NERS PSAP ha Sardar Police Station.
Ka tnad pulit kala pyngat ia u tei u heh pulit hapoh ki kyndon, CID PS No 01(10) 2022 u/s 120 (B)/409/420/468/471/477(A) IPC r/w Sec 13 (2) r/w Section 13 (1) (a) bad 13 (1) (b) of PC Act 1988 ia kaba la register mukotduma pyrshah ia u ha ka 28.10.2022.
Kane ka jingregister ia ka mukotduma ka long halor jingkynnoh bala u bah G.K. Iangrai, MPS u la pyndon kam bakla ia ka pisa ha kaba shna ia ka NERS PSAP ha phyllaw jong ka Sardar Police Station.
Ha ka por ba pynlong ia ka jingtohkit ha ka 02/22/2022 ha ka juh ka por la pynlong ia ka jingkhynra ha iing sah jong u ha Lumshyiap, ha Chanmari, Upper Golf Links ka iing sah sorkar bad ka jaka sah kai kaba don ha Rtiang ha Umsong la leh katkum ka nishan bala aid a ka iing bishar Special Judge (PC Act), Shillong.
Ha kane ka jingkhynra ka tnad pulit CID kala ioh ban kurup shibun ki kot ki sla, ka pisa ki tiar kitar, halor kitei kiei kiei la kem ia u bah G K Iangrai bad ka jingtohkit ka dang iaid bad kane ka mukotduma, kane a long katkum ka kyrwoh kaba la phah da u bah O Pasi IPS, IGP ba dei peit ia ka tnad CID.
