Shillong, Jymmang 25: U Myntri Rangbah ka jylla u Conrad K Sangma u la ong ba ha ka jingleit jurip ia ka iing dorbar thawain ka jylla kaba dang shna ha kaba ka Dome kala khyllem la khot ia baroh ki dkhot jong ka High Power Committee, kaba kynthup ia u nongialam ka liang, hynrei u khlem wanlang sha Mawdiangdiang.
U Mytnri Rangbah u la ong ba kane ka jingjia ka long kaei kaei kaba sngewsih ban ioh ba kane ka Dome ka khyllem ia kaba ki khlem poi pyrkhat ba kan jia kumne, hynrei kum kine ki jia namar kane ka dei ka jingpyrshang kaba nyngkong ha dong mih ngi jong ka Ri India ban pyrshang ban shna ia kum kine ki iing.
La ong ruh ba dei ban kynmaw ba ka jingshna ia kum kine ki jingtei ki long kiba eh bha namar ki don bun kijnit kijnat bad ka jingjrong kane ka Dome ka kham jrong ia ka Dome kaba don ha Rashtrapati Bhavan, ka jingtei ia kum kine ki iing ki long kiba eh shisha, ki khlem poi pyrkhat ba kan jia kumne.
Haba la shna ia kane la sngewthuh ba kane ka jingkhia kan long palat ia ka 100 tone kane kam dei ka jingtei kumba long kiwei ki iing, hynrei kane ka jia mynta hynrei kin pynthikna ba kin bteng ia kane ka jingtrei, ha kaei kaba la jia kala ktah shisha hynrei mynta kila aiti sha ka kynhun kaba laitluid ban jurip bad la da lap ia kano kano ka jingbakla yn pynshtiom.
Ha dien ba la ioh ia ka kaiphot kim sa shim ia ka rai kumno ban iaid sha khmat ha kaba ia dei bad kane ka kam, u myntri rangbah u la ong ba ka sorkar kala kut jingmut ban pyndep ia kane ka jingtrei, halor ka jingkynnoh um tip ei ei bad un wat jingtip halor katta, ban shu pynrem khlem pat kut ka jingtohkit kam long.
U Myntri Rangbah ka jylla u la kren shai ba la khot ia baroh ki dkhot ka HPC ban ia don lang hynrei na ka liang ong u nongialam ka liang pyrshah u Dr Mukul u khlem wan lang, hynrei u la don lang ha ka jingialang jong ka HPC.
