Shillong, Nohprah 27: Ka kong Elgiva G Rynjah President ka 17-North Shillong TMC Block kala pyntip ba haduh mynta ka sngi kiba la register ha ka “We Card” jong ka party ba dei tang ia ki irew kynthei kila kot sha ka shilak ngut haduh mynta ka sngi.
Ia kane ka skhim jong ka party TMC la plie paidbah da ka President jong ka party ka Mamata Banerjee ha ka jingwan jong ka sha Shillong ar taiew mynshuwa, kane ka dei ka skhim kaba nyngkong ia ki kynthei ha Meghalaya.
Da kaba pyrkhat na ka jingwan tyllep ka khlam COVID-19 kala wanrah ia ka jingeh kaba khraw ia ki paidbah ha ka Ri bad kum juh ha ka jylla baroh kawei, kane ka skhim ka long ban ai jingkyrshan ia ki long iing ha ka jylla.
Ka TMC kala buh ia ka thong ba kane kan iarap ia palat 5.5 lak tylli ki long iing ha ka jylla Meghalaya kiban ioh jingmyntoi na ka TMC lyngba ka “We Card” ka kong Elgiva ka kyntu ia ki rie wkynthei ban register na ka bynta ka jingiarap ia ki iing ki sem, kane ka long katkum ka kyrwoh jong ka party TMC kaba la pynlait paidbah mynta ka sngi.
Lah ban dew ba katkum ka jingpynban ka party TMC kaba la pynmih ha ki kot khubor ha kine ki khyndait sngi kala kren shai ba ia kane ka skhim yn pyntrei kam ynda ka party TMC kan ioh ban thaw ia ka sorkar.
