New Delhi, Naialr 16: “Ka Sorkar India ka la trei ha ka jingngeit jong ka jingiatreilang bad ki Jylla bad ki UT ban saindur, ban pyniar bad pynkhlain ia ka jinglong ka jingdon jingem ha ka liang ka koit ka khiah ha kylleng ka ri.”
Ia kane la ong da u Dr. MansukhMandaviya, Myntri Sorkar pdeng ba dei khmih ia ka Tnat ka koit ka khiah mynta ka sngi ha ka jingiakren lyngba ka bor internet bad ki Myntri ba dei khmih ia ka tnat ka koit ka khiah jong ki Jylla bad UT ban peit bniah ka jingpyntreikam ia ki skhim ba kyrpang kynthup ka National Health Mission (NHM).
Kiwei ki jingtrei haba don kam kyrkieh hapoh ka COVID Response Package (ECRP)-II, Pradhan Mantri Ayushman Bharat Health Infrastructure Mission (PM-ABHIM), ia kaba la bei pisa lyngba 15th Finance Commission (XV FC) grants.
U la peit bniah ruh ka jingiaid shaphrang ka prokram ai tika COVID-19 ha ka ri da kaba phaikhmat kyrpang halor ka precaution dose hapoh ka COVID Vaccination AmritMahotsav. Ka Dr. BharatiPravinPawar, Myntri Khynnah ba dei khmih ia ka tnat ka koit ka khiah ka la iadonlang ha kane ka jingialang.
Kane kalong shi bynta ki jingialang ba bun ba la pyniaid da u Myntri ka tnat ka koit ka khiah ban peit bniah ka jingiaid shaphrang ki kam bad ka jingsted ban pyndonkam ia ki jingbei tyngka na ka sorkarpdeng ba la ai sha ki jylla hapoh ki skhim bapher bapher bad ki song tyngka ban kyntiew bad pynkhlain ia ki jingdon jingem ba iadei bad ki kam ai jingsumar ha kylleng ki jylla.
U Myntri Rangbah jong ka jylla Tripura, u ManikSaha bad u Symbud Myntri Rangbah bad u Myntri ka koit ka khiah jong ka Delhi, u Manish Sisodia ki la iashim bynta ha kane ka jingialang.
Ki Myntri ka tnat ka koit ka khiah na ki jylla kiba la iasoh ha kane ka jingialang kilong u Dr Rajiv Saizal (Himachal Pradesh), ka Veena George (Kerala), Dr K Sudhakar (Karnataka), Dr Dhan Singh Rawat (Uttarakhand), ka VidadhalaRajani (Andhra Pradesh), u Keshab Mahanta (Assam), u AloLibang (Arunachal Pradesh), u Anil Vij (Haryana).
U Banna Gupta (Jharkhand), Dr Mani Kumar Sharma (Sikkim), u Thiru Ma Subramanian (Tamil Nadu), u T Harish Rao (Telangana), u T.S. Singh Deo (Chhattisgarh), u Thir u N Rangasamy (Puducherry), u L Jayantakumar Singh (Manipur), u James K Sangma (Meghalaya), u ParsadiLalMeena (Rajasthan), u BrijeshPathak (Uttar Pradesh), DrPrabhuramChoudhary (Madhya Pradesh), u Rushikesh Patel (Gujarat) bad ka NimishaSuthar, MoS, Health (Gujarat).
Da kaba ban ia ka jingngeit jong u Myntri Rangbah duh ban peit ia ka jingiapher kum ka kabu ban ioh jinghikai na ka bad ban kyntiew ia ki bor jong ngi, u Dr. Mansukh Mandaviya u la ong ba ka khlam ka la hikai ia ngi ban bei tyngka ha ki jingdon jingem ba iadei bad ki kam ai jingsumar ha man ka distrik bad ki block.
U la pynthikna ba ka Sorkar India ka trei borbah ban kyrshan ia ki Jylla bad UT ha ki jingpyrshang jong ki ban pynioh ia ki jingshakri kiba suk ban ioh, kiba jemdor, ba bha bad ba ryntih ha kaba iadei bad ki kam ai jingsumar sha ki nongshong shnong.
Haba pynpaw ka jingsngewkhia halor ka jingduna ka jingpyndonkam ia ki pisa na ka sorkarpdeng ha katto katne ki jylla, u la ong ba “ha ka jaka ba ka sorkarpdeng kan peit bniah ia ka jingduna pyndonkam ia ki pisa, ki jylla kidei ban kyntiew ka rukom treikam jong ki bad ba kin long kiba kloi ban kyrpad shuh shuh ki jingiarap pisa na ka sorkarpdeng na ka bynta ka jingsted ban pyntreikam ia ki skhim ba iadei bad ka koit ka khiah.”
U la bynrap ba la pynbiang ki jingdonkam bapher bapher sha ki jylla na ka bynta ka jingpyndonkam ha ka por ia ki pisa bad ban pynbiang ia ki jingdon jingem hapoh ki prokram ba kyrpang ne ki song tyngka. Donkam ban pyndonkam kloi ia ki jingbei tyngka hapoh ka ECRP-II namar kane ka song tyngka lah ban ioh haduh Nohprah 2022, u la ban biang.
U Dr. Mandaviya u la kyntu ia ki Myntri ka tnat ka koit ka khiah jong ki jylla ban pynsngew ia ki jingeh ba ki mad ban poi sha kane ka thong bad u la pan jingmut na ki ban pynsuk ka jingpyndonkam ia ki pisa.
Katba ki Myntri sorkar jylla ba dei khmih ia ka tnat ka koit ka khiah ki la pynpaw katto katne ki jingeh, ki la ai khublei ruh ia u Myntri sorkarpdeng namar kane ka jingtuklar kyrpang jong u bad ka jingpynlongia ka jingialang peit bniah man ka por ban pynsted ka jingiaid shakhmat kine ki skhim ha ki jaka nongkyndong.
U Dr. Mandaviya u la kyntu ia ki Myntri sorkar jylla ba kin peit bniah kyrpang ia ka jingpyndonkam ia ki pisa man ka por bad ban pynthikna ka jingpyndonkam pura ia ki pisa. U la kyntu ruh ia ki Jylla ban ai jingtip man ka por ha ka rynsan jong ka Tnat ka koit ka khiah jong ka sorkarpdeng da kaba pyni ia ka jingiaid shaphrang ka jingbei tyngka ha ki skhim ban pynbiang ia ki jingdon jingem ha ki kam ai jingsumar.
