Shillong, Nohprah 22: Ka sorkar Meghalaya kala phah ia ka rai jong ka iing dorbar thawain ka jylla sha ka sorkar pdeng ban kyntu ia ka sorkar pdeng ba ai noh ia ka jingithuh ia ka ktien khasi bad Garo hapoh ka khyrngit kaba phra jong ka Riti Synshar jong ka Ri India.
Ki lad khubor ki iathuh ha u SP News Agency ba kane ka sorkar MDA hapoh ka jingialam jong u Conrad kum u myntri rangbah ka jylla, kala dep phah ha kine ki khyndait sngi sha ka sorkar pdeng halor ka rai jong ka iing dorbar thawain ka jylla ba ka sorkar pdeng ka dei ban ai noh ia ka jingithuh ia ka ktien khasi bad Garo hapoh ka khyrngit kaba phra jong ka Riti Synshar jong ka Ri India.
Lah ban pynkynmaw ba ka sorkar jylla kala wanrah shisien ia kane ka rai hapoh ka iing dorbar thawain ka jylla hynrei ha dien ba la dep ban pdiang da ka iing dorbar la shem ba ka don ka jingbakla bad na ka liang jong ka sorkar kala hap ban khot ia ka iing dorbar ba kyrpang ban shim rai biang hapoh ka iing dorbar.
Ki lad khubor ki iathuh ba na ka liang jong ka KAS kala bud dien bha ia kane ka kam ha dien ba ka iing dorbar kala dep ban pdiang ia kane ka rai ban peit ba ka sorkar ka dei ban pynkloi ha kaba phah sha ka sorkar pdeng.
