Shillong, Jylliew 10: ka Umroh Sports Club kala ioh ban plie pyrda ia ka 5 Aside Football T
ournament ha kine ki khyntdait sngi. Ha kane ka sngi lah wan plie da u president bad secretary ka Young xi Sports Club na Jaiaw da u bah Ban Shanpru rynkat u Rangbah Shnong Mawkasiang u bah Tishalding Kharkongor.
Ki kongsan ha kane ka sngi ki lah ai mynsiem ia ka club ba kin sdang ia kum kane ka jingialehkai ha kane ka thain bad ruh ki lah ai mynsiem ia ki players ba kin trei shitom ban poi sha ka thong.Ki lah ai mynsiem ruh ban pyn shlur ia ki khynnah sha kane ka thain ba ki dei ban ialehkai kum kane ka jingialehkai.
Na ka liang u rangbah shnong u lah kyntu ia ki samla ba kin kiar na ki jingmylien ba sniew bad dei ban minot ha ka pule bad kumjuh ha ki jingialehkai ban pyn sngewtynnad ia ka met.
Kumjuh ruh lah kyntu ia barohlang ba dei ban sdang ia kano kano ka kam da kaba rit khnang ba ngin poi sha ka thong.Lah ioh ruh ban pynher ia ka lama Jong ka club da u rangbah shnong.
Ha kane ka tournament ki don 29 tylli ki team kiba ia shim bynta bad ha ka sngi plie lah ia lehkai da ka Umroh S.C pyrshah ia ka FSLC(nongrah).Ha kane ka jingialehkai lah jop da ka FSLC da 5 la 3 goal ia ka Umroh S.C.
