Mairang, Jymmang 18: Sub-Divisional Magistrate ka Mairang Civil Sub-Division, Mairang ha ka hukum bala pynmih ha ka 17 tarik u Jymmang, 2021 u la pyntip ba na ka daw jong ka jingiaikiew jong ka jingdon ki nongpang COVID-19 bad ki High Risk Contact ha ka Shnong Umthlong, Mairang Civil Sub-Division.
Naka liang jong u SDO u la pynbna ia katei ka shnong kum ka Containment Zone kum shi bynta ban tehlakam ia ka jingsaphriang jong u khniang jingpang COVID-19. Katkum kane ka hukum, yn ym shah iano iano ruh ban rung ha katei ka Containment Zone lait noh ki nongtrei jong ka tnat ka koit ka khiah bad kito kiba la ioh jingbit na u Incident Commander ba dei peit ia kane ka shnong.
Baroh ki nongshongshnong ki dei ban shong khop ha la iing, ki dei ruh ban deng mask tikna, kim dei ban iakhleh bad kiwei pat bad ki dei ban sngapthuh bha lada ki don kano kano ka jingsngewshitmet ne jyrhoh ne dap shadem bad jynjar ban ring ne pynhiar mynsiem.
Shuhshuh, baroh ki dukan, ki ophis bad ki bank kiba don ha ka Shnong Umthlong kin khang noh mardor bad kino kino kiba pynkhein ia katei ka hukum kin shah pynshitom katkum ki kyndon ain jong ka Disaster Management Act, 2005 bad ka IPC.
