La pynkhreh  ki nong trei ka Namdong PHC naka bynta ban iakhun ia ka khlam Covid-19

Shillong, Jymmang 18: Ka Khasi Students’ Union (KSU) Namdong Area Unit  haka jing ialam u samla Juhhi Tariang General secretary KSU ka seng ryngkat ki nongialam jong ka shnong Namdong ‘B’ haka jingialam u Waheh shnong u Ma D.S War kila leit ban jurip iaka jing pynkhreh iaka Namdong PHC naka bynta ban iakhun la jia ba wan lyngshop ka khlam Covid-19 ha kane ka thaiñ.

Ha kane ka jing jurip la lap ba kane ka PHC kala pynkhreh 4tylli ki Oxygen cylinder, 5tylli ki jingthiah hakane ka PHC bad dang don shibun ki jing duna bad naka liang jong i doctor I la iathuh ba ki dang pan shuh shuh iaki tiar ban ia khun ia u ne u khniang Covid-19.

Haka jing ia phylliew jingmut bad i doktor I la iathuh ba dang don ki jing duna na duh ki Man powers kiba kynthup naduh Doktor MBBS , Staff Nurse, Lab, LD, ki dawai ai tika, Oxygen Concentrator.

ki nurse ki la pynpaw ruh iaka jingeh namar ba duna ki staff nurse, bad mynta lah don ruh ki staff ba ioh positive ha kane ka PHC bad ki hap ban shong kyrpang ialade ha ing, kumta ki nurse kiba don hangne ki mad shibun ki jing eh ban pynbit pynbiang ia ki jing donkam u paidbah halor ba duna lypa ki staff bad ki hap ruh ban leit man ka sngi sha kiwei ki shnong ban leit test iaki hight risk contact.

Haka jing ia kren bad ka doctor ka Kong J. Laloo I la iathuh iaka post LD mynta lah long thylli naduh bala leit transfer I wei hynrei haduh mynta ym don ba wan bujli haka jaka jong i.

Lah lap ruh ba mynta ym don dawai ai tika shuh iaki 45 snem shaneng bad ruh na kaliang ka sorkar kala pynbna ban ai injek tika naduh 18 snem shaneng haduh 44 snem hynrei haduh mynta ki khlem pat ioh iakatei ka injek la iathuh ki nong ialam.

kumta naka liang jong ka KSU Namdong Area Unit lem bad ki dkhot jong ka Shnong Namdong ‘B’ kila kyrpad jur iaka sorkar ban pynbiang ia kine ki jing duna khamtam mynta kane ka khlam ka lah sdang pur sha kane ka thaiñ ka sorkar ka dei ban shimkhia khnang ban lait naki jing eh ha dien ha bud bad lada jia ba kane ka khlam kan pur stet.

Haka  ka juh ruh la kyntu iaki paidbah ba kim dei ban tieng bad ki dei pat ban long kiba husiar ym dei ban khien sting, bad ki dei ban bud ruh iaki kyndon bala bthah daka sorkar. katkum ka kyrwoh bala phah da u samla Juhhi Tariang General Secretary Namdong Area Unit.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet