Shillong, Lber 08: Ka prokram ba kyrpang hapoh ka phangpdeng “Viksit Bharat” ka India kaba la kiewshaphrang ka la long mynta ka sngi ha Nongpyndeng ha West Khasi Hills Distrik hapoh ka jingpyniaid jong ka Central Bureau of Communication Shillong, ha kaba la don palat 50 ngut ki nongiashim bynta.
Kiba la wan ban ia shim bynta ki kynthup ki kmie ki kpa, ki khynnah, bad ki samla kiba la iadonlang ban iashim bynta ha ki jingiamir jingmut halor ka koit ka khiah, ka bha ka miat, bad ka jingkyntiew ia ka shnong jong ki.
Kane ka jingialang, kaba thmu ban kyntiew ia ka rukom treikam kaba pura na ka bynta ka roi ka par, kadei kaba la saindur ban pynshlur ka jingiashim bynta ki briew ha ki shnong ki thaw bad ai mynsiem ia ki samla ban nohsynniang sha ka jingkiew shaphrang jong ka ri.
Ka prokram ka la sdang da ka jingkren pdiang sngewbha na u Bah JosephasThongni, uba la batai ia ki nongiashim bynta shaphang ka jingkongsan ka sienjam “Viksit Bharat” bad ka jingphaikhmat kyrpang halor ka “Swachhata Hi Seva, NashaMukt Bharat Abhiyan, Mission Life, Atmanirbhar Bharat bad ka EkPedMaaKeNaam.
U la pynpaw ka jingsngewkmen jong u namar ka jingbun ki briew kiba wan sha kane ka jingialang, khamtam ki samla, da kaba ong ba ka jingiashim bynta shitrhem jong ki samla kalong kaba kongsan ban tei ia ka lawei kaba seisoh.
U Bah Thongni u la ban jur ba ka prokram ka phaikhmat ym tang ha ka koit ka khiah jong ka met ka phad bad ka bor pyrkhat hynrei kumjuh ruh ha ka roi ka par ba iaineh jong ka shnong ka thaw, kiba long ki rishot ba kongsan jong ka ri kaba seisoh ki kam.
Ia ka bynta ba kongsan jong kane ka prokram ka dei kaba la ai jingkren da u Bah Mangkarauba long u nurse ba baroh ki burom, uba la kren halor ka phang ba kongsan ba iadei bad ka koit ka khiah jong ki khynnah samla.
Ka jingkren jong u ka ban jur halor ka koit ka khiah jong ka met ka phad bad ka bor pyrkhat, ha kaba u la ai shibun ki jinghikai ia ki samla ba iadon lang ha kane ka jingialang.
U la ban jur ia ka jingkongsan ban pynneh ia ka rukom im kaba ryntih, ba kynthup ka jingkilan met ba man ka por, ka jingioh ia ka bam kaba tei ia ka met bad ka por thiah kaba biang. U Bah Mangkara u la kren ruh shaphang ka jingkongsan ban don ka um ha ka met da kaba dih ka um kaba khuid bad kilan met man ka por na ka bynta ka koit ka khiah.
U Bah Mangkara u la ai ka por ban iamir jingmut halor ka koit ka khiah jong ka bor pyrkhat, bad kyntu ia ki samla ban long kiba husiar na ka jingban khia, jingkhuslai, bad jingsngew marwei, kiba long ki jingeh ba ki khynnah samla ki mad bha mynta.
U la pynshlur ia ki ban iakren bad kiba haiing, lane ki paralok ba ki sngewjan na ka bynta ka jingiarap lada ki sngew ba shah ban khia. U la ban jur ia ki jingma jong ki jingdih pynbuaid bad ki jingma jong ka jingpyndonkam palat ia ka phone, u la ai jingmut ia ki samla ban kiar ban shaniah ha ka teknoloji hynreipynleit jingmut ban tei ia ki jingmlien ba koit ba khiah.
Ban kyntiew shuh shuh ka jingiashim bynta ki briew, la pynlong ia ka jingiakop quiz halor ki phang ba iadei bad ka koit ka khiah hadien ki jingkren. Ka quiz ka kynthup ia ki jingkylli ba iadei bad ki samla, ki kmie ki kpa bad ki khynnah, kynthup ia ki kam bapher bapher kum ka bam kaba tei, ka koit ka khiah jong ka bor pyrkhat, bad ka jingkongsan ban pynneh ia ka rukom im kaba koit ba khiah. Ka jingiakop ym tangba kalong kaba ai jingtip hynrei kalong ruh kaba sngewtynnad, bad lai ngut ki nongjop ki la iohpdiangia ki khusnam pisa – ba nyngkong: UnitaRongrin, ba ar: ManeshMawblei bad ba lai: ShimtihunDkhar.
Hadien ka quiz, ka prokram ka la kylla sha ka sienjam ba iadei bad ka mariang – ka jingthungia ki diengsohsawdong ka khlaw shnong. Ia kane ka bynta la ialam da u Gopajit Das, Assistant Director jong ka CBC bad PIB Shillong, ha ka jingiadonlang ruh ki riewrangbah jong ka shnong bad ki nongialam jong ki samla. Ka jingthungia ki diengsohkadei shi bynta jong ka sienjam ba iar jong ka “Viksit Bharat” ban kyntiew ia ka jingiaineh ka mariang bad kyntiew ia ka jingdon jingkitkhlieh na ka bynta ka mariang.
Ka jingthungdieng ym tangba ka nohsynniang sha ka jingdon jingem ha ka thain hynrei ka pynbiang ka tyllong jingbam ba iainehna ka bynta ki briew jong ka shnong. Ka sienjam ka thmu ban kyntiew ka jingjyrngam ha kylleng ka shnong Nongpyndeng, kyntiew ia ka jinglong ka lyer, bad pynthikna ki jingmyntoi ia ka shnong na ki jingaiei ka mariangia ki pateng ban wan.
Ka prokram ha kane ka sngi ka la kut da ka jingkren ai khubleina u Gopajit Das. U la pynpaw ka jingsngewnguh jong u ia baroh ki nongiashim bynta, khamtam ki samla kiba long ka bynta ba kongsan ban pynlong ia kane ka prokram kaba jop.
Ha ka jingai jingkren jong u, u Gopajit Das u la ban jur ia ka jingkongsan ki sienjam ba ialam lynti da ka imlang sahlang kum ka prokram kaba mynta ka sngi ban tei ia ka India kaba la kiewshaphrang bad kaba iaineh. U la pynshlur ia baroh ban bteng ban pdiang ia ki jingngeit ha ka jingsumar ialade, ka jingburommarkylliang, bad ka jingsngewthuh ia ka mariang.
Ka la don ka jingiashondurlang ban buh jingkynmaw ia kane ka jingialang, kaba la pynskhem shuh shuh ia ka jingsngew iatylli bad ka jingiatrei lang.
Ka prokram ba kyrpang halor ka “Viksit Bharat” ha Nongpyndeng ka pyni ia ki thong ba iar jong ka sienjam jong ka ri ban kynthup ia ki briew jong ka thain ha ka jingtei ia ka lawei kaba ai bynta lang ia baroh bad kaba iaineh. Ka jingialang ka la wanrah lang ia ki briew bapher bapher, kiba iatylli ha kawei ka jingthmu na ka bynta ka India kaba la kiewshaphrang bad kaba don ki briew kiba koit ba khiah.
