Jowai, Nohprah 06: Ka tnad pathai khubor jong ka sorkar pdeng ka la lum ia ki heh sorkar jong ka Jaintia Hills ba kin pynshai paidbah ia ki skhim jong ka sorkar pdeng kaba la pyntrei kam ha kane ka jylla da ka jingbei pisa na ka sorkar kmie.
Ha ka jingkren jo
ng ka Kong R Passah CDPO jong ka Amlarem ka la ong ba na ka liang jong ka ICDS ka long ban sam ia ki jingbam sha ki khynnah ba kin ioh ia ka met kaba koit ba khiah bad ka juh don ka jingexamin ia ki da ki doctor bad kane ka long ruh ia ki long kmie kiba ar met bad iaki ba don ka jingduna ha ka met ka jong ki.
U Bah T Laloo Executivee Engineer jong ka PWD u la ong ba ki dang don bun ki shnong kiba ka jingdon briew ka duna ia ka 250 ngut ha kaba kim pat ioh ia ka surok, ia kine ki shnong kiba khlem pat ioh surok la mang ban pynpoi surok na ka skhim PMGSY.
U Bah C. Najiar, SDO, PHE, Khliehriat u la batai ia ka rukom trei kam jong ka tnad PHE hakaba ia dei bad ka jingpynioh ia ka Umbam umdih na ka bynta ki paidbah. Ha kane ka jingialeh ban pynbiang ia ki umbam umdih ki la don bun ki skhim bad la pyntrei kam ia ki katkum ka jinglong jong ka jaka. Nalor jong ki ladon ruh kiwei kiwei ki ophisar kiba kren bad batai sha phang ki skhim katkum kajingtrei kam ka jong ki.(SP News)
