La pynsngew ha u Chairman, KHADC, ia ka jingdonkam ia ka Committee Hima Mylliem

Shillong, Nohprah 21: Hadien ba la dep ai ia ka dorkhast ha ka 15 December 2020 ha u Bah Jambor War, Executive Member, i/c Elaka KHADC, ka kynhun ki khun ki hajar ka Hima Mylliem ba la lam khmat da u Bah John F Kharshiing, kynthup lang katto katne ngut ki nongkit kam Shnong ka Hima Mylliem bad kiwei kiwei ki rangbah ka Hima Mylliem.

Mynta ka sngi ki la leit ban ai sa kawei ka dorkhast ha u Bah Pyniaid Sing Syiem, MDC, Chairman, KHADC ha kaba la pynkynmaw ia ka jingai dorkhast ba la ai mynshym snem ha ka 15 October 2019 mynba u long Deputy Chief Executive Member, KHADC.

La pynsngew ha u Chairman, KHADC, halor ka jingdonkam ban ioh ia ka Committee Hima Mylliem kaba kyrkieh kaba kyrpang kaban pynbeit ia ki kyndon Act 2007 bad Rule 2015 jong ka Mylliem Syiemship khnang ba kin pynkup bor ia u khun u hajar.

Kumba long mynta kitei ki Act 2007 bad Rule 2015 kim don jingshai kumno u khun u hajar lane u District Council kin leh haba ki nongsynshar Dorbar Kur, Dorbar Shnong, Dorbar Raid ne Dorbar Hima kim lum ia ka Dorbar kut snem kim wanrah ia ka jingkhien jingdiah kaba la wanrah ia ka jingdum ha ki khun ki hajar kiba dei ban ioh ki Dorbar kut snem naduh Dorbar Kur, Dorbar Shnong, Dorbar Raid haduh Dorbar Hima ha kaba kan da don ka kaiphod treikam, ka jingkhien jingdiah halor ka  jingmih ka jinglut, hakhmat u khun u hajar.

La ai lang ruh ia ka dorkhast kaba la ai ha u Executive Member, i/c Elaka KHADC ha kaba la kdew ia ki mat kiba bun kum ka jingdonkam nalor ka Dorbar Pyllun, dei ban kynthup lang katto katne ngut ki nongsynshar shnong, ki nongsynshar Raid kynthup ruh kumba arphew ngut (20) ki riewkhmat ka Hima Mylliem kiban shah jied da ka Dorbar Hima ba kin don lang ha ka Executive Dorbar ka Hima Mylliem.

La ong bala donkam ruh nalor ka Executive Dorbar Syiem, ka Dorbar Pyllun ka Dorbar Hima la pynsngew ia ka jingdonkam ia ka Dorbar Thaw Ain ka Hima Mylliem ba kan paw ha ka Act 2007 ka Rule 2015 bad khamtam kumba la ai jingmut ka Commission UK&JHADC naduh ka 15 tarik February 1957, ban ia thir halor ka jingtyngkhuh ki ain Ri India (constitutional issues – IOA & AA vis-a-vis Sixth Schedule).

Namar ka jingbympaw ka Instrument of Accession bad Annexed Agreement kaba 17 tarik August 1948 ba la mynjur bad soi da u Governor General Ri India bad ki Hima Khasi States bad ka Federation of Khasi States, hapoh ka Constitution Ri India, kum ka nuksa ka Indian Registration Act 1908, ka Forest Conservation Act 1980, ka MMDR Act 1957, Ka Constitution schedule tribe order 1950 bad 1976,  Ka NHAI Act 1988 ka jingbymshai ka Meghalaya Town Country Planning Act 1973.

Ka Meghalaya Building Bye Law  2011 bad 2015, ka Income tax Act 1961, ka Indian Citizenship Act 1955 kaba ia tyngkhuh bad “ka jinglong nong shong shnong” citizenship act jong ki Hima Khasi ha kaba ngi don  i) u khun u hajar ii) u khun shoh shnong, iii) u khun soh syiem iv) u raiot (u bym dei khasi) v) u dkho (u garo u achik), ka jingdonkam ban don ka rukom pyniaid Dorbar “Rules for Conduct of business” kum ba long ha District Council, Assembly bad Parliament, ka jingdonkam ban ia kren halor ka sanitation & waste management.

Ban shai ki kyndon ai NOC naduh shnong, raid haduh Hima namar kum ka nuksa la mih ki dukan ki ATM, khlem don jaka ieng kali, ka jingdonkam ban pynbeit ia ka Village & Town Committee Act 1960 bad Rules 1962, ka land records Ri Raid bad jaka Hima, ka jingdonkam ban ioh ka Education policy ha ki primary schools kaba dei ka hok kaba shai hapoh ka Sixth Schedule ha kaba ki skul kin pule ia ka history jong ka Ri Khasi.

Ba don ka jingpynkhreh kaba bniah ia ka Mang Tyngka jong ka Hima ha kaba ynda shim ruh ia ka jinglut jingsep naduh ki Kur, ki Shnong ki Raid bad Hima khnang ban ioh pyrkhat ia ka bai lut sngi jong ki nongsynshar ki nongtrei office baroh naduh Kur, Shnong, Raid haduh Dorbar Hima ban ioh ia shai ia ka kyrdan (constitutional protocol ) jong ki nongsynshar Kur, Shnong, Raid bad Hima bad bun kiwei kiwei.

La kyntu jur ha u Chairman, KHADC ban thaw ka lad ban lum ka Committee kaba kyrpang ia ki 12-15 ngut ki MDC Hima Mylliem ba kin shim khia ban ia kren ia syllok ia kane ka iap ka im jong ka Hima Mylliem ban pynjanai ia ka Act 2007 bad Rule 2015 khnang ba kan wanrah ia ka jingshngain ia u khun u hajar.

Uba don ha ka jingiakhih ban iada ialade namar ka long kaba kyndit kaba lyngoh ba ki MDC hima Mylliem kim pat juh ia lum ia lang ban ia kren halor kane ka phang. la pynsngew ruh ha u Chairman KHADC ba la da ki bor KHADC kim lah ban pynbeit pynjanai ia kine ki jingdkhoh kiba don ha khmat kyrdop kHADC te kumno kien yn ia kren ia kiwei kiwei ki kam kiba kham khia kiba ktah ia ka jaidbynriew.

Na ka liang u Bah Pyniaid Sing Syiem, Chairman, KHADC u la pynpaw ia ka jingsngewkmen ban ioh ban ia kynduh ban ia phylliew halor kane ka phang ba u la pynpaw ia ka jingkloi ban ia syllok bad ka Executive Committee, KHADC ba kin shim khia halor kane.

U Shongknor u la kubor ban lum ka jingiasyllok jong ki MDC Hima Mylliem ban ioh ia kren halor ka dorkhast bad nang pynjanai ia ki kyndon (Article) jong ka Hima Mylliem kiba la paw dur ha ka Act 2007 bad Rule 2015. U la ong ba un sa khot ia ki riew paw khmat ban ia kren ruh halor ka jingdawa ban don ka Education Policy – KHADC ha ki primary school kaba dei ka bynta ka hok jong ka KHADC katkum ka para 6 jong ka Sixth Schedule.

Ia katei ka shthi ha ryngkat ka dorkhast kaba la ai ha u Bah Jambor War, MDC, Executive Member, i/c Elaka,  KHADC kaba la ai ha u Bah Pyniaid Sing Syiem, Chairman, KHADC mynta ka sngi la ai lang sha u Bah Bindo M Lanong, MDC, Chairman, Advisory Committee on Law and Traditional Affairs, KHADC, bad ia u Bah Lamphrang Blah, MDC, Leader Opposition, KHADC.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet