Shillong, Jylliew 23: Ka Sorkar Jylla ka la rai ban pyndam noh ia ka jingthmu ban pynkylla surok 4-Lane ia ka surok na Umiam Ri-bhoi District shaduh Shillong East Khasi Hills.
Ïa kane la pyntip da u Symbud Myntri Rangbah ka Jylla u ba khmih ruh ia ka tnat PWD (Roads) u bah Prestone Tynsong ha ka jingiakren shaki lad pathai khubor ha na 23 tarik jylliew 2025.
U bah Prestone u la ïathuh ba dang shen u la lum jingialang bishar kam ha nongbah Delhi hapdeng ka tnat National Highways & Infrastructure Development Corporation Limited (NHIDCL) ha ka jingdonlang ki ophisar ka tnat PWD (Road) ka Sorkar Meghalaya.
U bah Prestone u la ïathuh ba ha ka kaiphod ba nyngkong ba la pynlong ka NHIDCL, ka kdew shai ba kam long ban pynkylla surok 4-Lane ia ka surok na Umiam Ri-bhoi District sha Shillong East Khasi Hills.
U la ïathuh ba ka kaiphod ka kdew ba ka jinglut jingsep ka jur bha lada pynkylla surok 4-Lane naduh Umiam sha Shillong bad dei namar kane ka sorkar hylla ruh ka la rai ban pyndam noh iaka project hynrei yn shu pynheh ia ka surok 2-Lane kaba naduh Umiam sha Shillong.
“Hadien ka jingïalang bad ka NHICL kumjuh ka tnat PWD (Road) ngi la rai ban pyndam noh iaka jingthmu ban pynkylla surok 4-Lane ia ka surok na Umiam Ri-bhoi District shaduh Shillong East Khasi Hills. kila rai ruh ban pynheh ia ka surok kynthup ia ki jaka iaid kjat na Umiam sha Shillong” la ong u bah Prestone.
