Shillong, Jylliew 05: Ryngkat bad ka pyrthei baroh kawei ka jylla Meghalaya ruh mynta ka sngi kala pynlong ia ka jingrakhe ia kane ka sngi pynneh mariang, ha Raj Bhavan la ialam da u lat ka jylla Meghalya u Phagu Chauhan da kaba thung dieng ha ka jingiadon lang ki nogntrei.
Ka Institute of Bioresources and Sustainable Development (IBSD), Node Meghalaya, kala rakhe ia kane ka sngi pynneh mariang da kaba pynlong ia ka jingpynkhuid iki plastik kiba dang sawdong ka jaka treikam jong ki.
Ka North Eastern Indira Gandhi Regional Institute of Health & Medical Sciences (NEIGRIHMS) kala rakhe ia kane ka sngi pynneh mariang kaba kila ai kyrteng da ka “Beat Plastic Pollution.” Ha kane ka sngi la pynlait paidbah ia ki tupia bad ki sopti phong da ki jingthoh ban pynneh mariang ha kane ka sngi la thung dieng ruh ha phyllaw jong ka Hospital.
U Director ka NEIGRIHMS, Prof. Nalin Mehta, u la ban jur ban kiar na ka jingpyndon kam iaki plastik bad u la kyntu ia ki paidbah ban ia shim khia ban ia khun pyrshah ia ka jingbret pathar ia ki plastic.
Kane ka jignrakhe ia kane ka sngi pynneh mariang kala long ha kylleng ki bynta jong ka jylla Meghalaya ha kaba ki briew kila ia mih ban ia shim bynta ha kaba thung dieng bad pynkhuid ia ki jaka da kaba lum ki plastik.
