Shillong, Kyllalyngkot 05: Mynta ka sngi lai ngut ki MLA, u bah Samlin Malngiang na ka party HSPDP, bah Jason S Mawlog bad u bah Hamletson Dohlieng na ka PDF kila ai ia ka shithi resign jong ki na ka kam MLA ha u lamphang ka iing dorbar u bah Metbah Lyngdoh.
Kine ki lai ngut ki MLA kin pyniasoh bad ka party NPP, ia ka jingpdiang burom ia u bah Jason S Mawlog sha ka pary kan long la shai ka sngi ha Umsing, ia u bah Hamletson Dohling yn pdiang burom ha sngi Saitjain ha Umlyngka bad ha ka taiew ban wan ia u bah Samlin Malnging ha Sohiong.
Kane ka jingresign ka jong ki na ka kam MLA mynta ka sngi kala pynlait ia ki ki lah ban leit ban pyniasoh sha kano kano ka party kaba ki kwah ban ia khun ia ka MLA elekshon ha u bnai Rymphang ban wan kaba sah mynta ka long tang ban ap ia ka jingpynbna ia ka elekshon da ka ECI.
Na kine ki lai ngut ki MLA, u bah Hamletson u la ong u myntri na ka party PDF ha kine ki san snem lynter, u bah Samlin Malngiang na ka party HSPDP u la long myntri ar snem shiteng bad u bah Jason S Mawlong u khlem ioh ban long myntri wat la kila ia pyrshang ban ia kren hapoh ka party PDF.
