Shillong, Nailar 09: Ka lympung ialehkai ASMITA Wushu League na ka bynta ka East Zone ka la sdang ha kane ka nongbah mynta ka sngi ka 9 tarik u Nailar 2024 ha Indoor Stadium jong ka NEIGRIHMS ia ka ba yn pynkut ha ka 12 tarik u Nailar 2024.
Ha kane ka sngi la sakhie ia ka jingwan ban ia shim bynta da ki 550 ngut ki nongialeh kai Wushu na ki 10 tylli ki jyllla kynthup ia ka West Bengal bad Bihar ki ba kynthup na duh ki Sub-Junior, ki Junior bad ki Senior Categories.
Ia kane ka lympung la wan ban plie da u Dr. B.D.R Tiwari, Joint Secretary jong ka Sorkar Jylla kum u kong san ha kaba la iadonlang ruh u Brigadier Neelesh Anand Pagulwar SC, SM, VSM Commandant ka Assam Regimental Centre kum u symbud kongsan.
Ha kane ka sngi long don lang ruh u Director ka NEIGHRIMS u Nalin Mehta, u CEO ka Wushu Association of India u Suhiel Ahmed, kumjuh u President ka Meghalaya Wushu Association u Bah Donny Rapheal Ranee bad kiwei.
Ha kane ka lympung ialehkai ka ban neh haduh saw sngi kynthih la wan iashim bynta kumba 550 ngut ki nongïalehkai Wushu kiba na ki jylla ka thain shatei lammihngi kynthup ia ka West Bengal bad Bihar.
Na ka Meghalaya Wushu Association ka la sei haduh 80 ngut ki khynnah ki ban iashim bynta ha kane ka lympung. Ïa kane ka lympung la pynlong da ka Meghalaya Wushu Association ha ryngkat ka jingïasnoh kti lang ka tnat ïalehkai jong ka Sorkar Pdeng lyngba ka Sports Authority of India (SAI).
