La shah ia ki Nongiaidkai tang ha ki Park kiba don ha Sor,ha Nongkyndong pat: Babu Kular

Shillong, Nailar 21: Ka sorkar MDA ka la pynbna ba ka la shah ia ki briew ban kin leh kino kino ki jait jingialehkai,ban leit peitkai baiskop(cenema),ban iaid ki kali ki riew shi met namar baroh shi katta ki iaid tang ki kali ki riew ar met lai met suda, ki jackpot bad parlour,etc.

Hynrei kaba kham sngewbiria eh ka dei ka jingshah ia ki briew sha ki jaka iaidkai tang ia kito kiba don ha sor bad khap sor kum ka Phan Nonglait park ba ki khot mynshwa kum ka Lady Hydri park, ka Nan Polok kaba don ha pdeng eh jong ka sor Shillong.

Ka Elephan Fall ha Upper Shillong namar ha sor bad khap sor, ki kham bun briew bad kham khap ngiah briew ban ia ha nongkyndong.Ia katei ka jingpynjynsur yn sdang treikam noh naduh ka 23th u August 2021.

Ha ka jingshisha,ki jaka iaidkai ki kham kylluid bad kham iar ha nongkyndong ban ia kito ki jaka iaidkai kiba don ha sor ne khap sor.Sha ki jaka iaidkai kiba don sha nongkyndong,wat lada ki don ki briew 50/100 ngut ei ei ruh ym pat iohi briew satia ba heh ka jaka.

Nalor kata,ki nong Dawki,ki nong Sohra bad kiwei kiwei ki jaka iaidkai ki la ia ud ia nam bha ba kane ka jingkhang dam ka ktah shi katdei eh ia ka kamai kajih jongki. Ki la dawa bad kyntu ia ka sorkar ba kan pyllait noh ia ki jaka iaidkai khnang ban wanrah biang ia ka kamai kajih jongk bad ban ioh pyndap pynbiang ia ki jingdonkam jongki ha la ki ing ki sem jongki.

Phewse,ka jingkhmih lynti jongki kalong pynban mar khongpong ia ka jingkwah bad jingangnud jongki.Ka sorkar ka kham phai khmat pynban tang ha sor bad khap sor khlem da suidniew ia ki jaka nongkyndong.

Ka long thik kumba ka jia ia ka kam shna surok.Ha sor, ba iaid kiba Heh ba hain,wat lada ka surok kam pat jot pat pei ruh,ki siang rong noh 2/3 sien ha ka shi snem katba ha nongkyndong pat lada sahkut bad kdiah spring ki kali ha shiteng lynti ruh ka sorkar kam patiaw ei ei.

Ki jaka ha nongkyndong ki kham biang ban iaidkai ban ia kito kiba don ha sor.Ka lyer kaba khuid kaba mih na ki dieng ki siej bad na ki khlaw ki btap.Ka um kaba khuid bad kaba shngiam bha.Ki jaka iaidkai ki kylluid bad iar shibun.

Ki nong iaidkai kiba ju leit sha ki jaka nongkyndong kin kham ioh ka met ka phad kaba koit ba khiah bha.Ki thied ki jaw bad ki dohksad ki treikam bad khlain bha bad kane kan iarap ruh ia u klongsnam ban ioh tied khambha ban kham kynshaid snam bha bad ban sait noh ia ka snam bym khuid bad ban iaid tawiar pat ka snam babha ha met baroh kawei.

Ka jingpynbna ka sorkar ban pynjynsur ia ki jaka iaidkai tang ha sor bad kham sor kalong kaba shah shiliang bad bym hok .Shisien ba la shah ha ki jaka sor,ai lad lem ba kin mad lang sha nongkyndong ruh ruh kumjuh.Lada la ai lad ban kamai ki kynhun pyniaid Park ha sor bad khap sor,ai lad lang sha nongkyndong ruh kumjuh.

Ki protocols sorkar ki dei ban bat hi naduh sor haduh nongkyndong.Baroh ki rai bad hukum ka sorkar ki dei solonsar ia baroh ym ban shu jied iwei ar kumba synshar ne pyniaid pynban ki riew shimet ar met.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet