Shillong, Rymphang 26: Ka National people’s Party (NPP) la shai ka sngi kan pynbna ba u Dr WR Kharlukhi un long u kyrtong ban ia khun ia ka ilekshon MP sha Rajya Sabha ka ban long ha ka 26 tarik Lber 2020.
Ki thymmei khubor kiba u SP News Agency u la ioh ki iathuh ba ka party NPP kala shong la shai ka sngi ban shim ia ka rai ban pynieng ia u State President u Dr WR Kharlukhi kum u kyrtong MP ban ia khun iaka ilekshon MP sha Rajya Sabha.
Haba ia dei bad kane ka jingpynieng kyrtong jong ka NPP ia u Dr Kharlukhi kala don ka jingiakren ia sngewthuh hapoh ka sorkar Meghalaya Democratic Alliance (MDA) ha ia dei bad kane ka jingbuh kyrtong ka NPP na ka bynta kane ka ilekshon MP sha Rajya Sabha.
Ia ka ilekshon MP sha Rajya Sabha ki nongthep vote kin long tang ki 60 ngut ki MLA jong ka ylla, ha ka jingdon ki MLA ha iing dorbar, ka liang synshar ka don 41 ngut ki MLA bad ka liang pyrshah ka seng Congress ka don 19 ngut ki MLA.
