Shillong, Naiwieng 29: Ka Seiñ Kur Dkhar Jaiñtia Hills, Wapung Circle, kan pynlong ia ka “Dorbar Kur bad ban ai ia ka “Excellence Award-2019” ba shisien shisnem jong ka, ha ka 30/11/2019, ha por 10.30 AM, ha Madan Phutbol, Wapungskur, East Jaintia Hills.
Ha katei ka “Dorbar Kur”, nalor ki Jingiakren Kam jong ka Kur, yn don lang ruh ka Jingpynkup Burom & Jingai Khusnam ia ki Samla Pule ba Pawkhmat bad ia ki Riewpawkhmat jong ka Kur kiba la wanrah Burom bad Jingsngew Sarong ia ka Kur.
Ha katei ka Jingialang, yn don I Phasmon, MDC, EM JHADC, kum I Kongsan, I Habahun Dkhar, MDC, JHADC, kum I Symbud Kongsan, katba, I Justine Dkhar, Ex. MLA, kum I Nongshah Khot Ba Kyrpang lem bad kiwei de ki Nongialam jong ka Kur, ha ryngkat ki Jnit-ki Jnat (Entertainments Items) ban pyni-shongkun bad pynphuh pynphieng ia katei ka Dorbar Kur.
Kumta, ka Seiñ Kur Dkhar, Wapung Circle ka kyrpad ia ki Para Kur Dkhar baroh khamtam eh kiba hap hapoh jong ka SKDJH-Wapung Circle ba kin sngewbha ban ia snoh kti lang da kaba pyllait por khang ban ia wan paidbah khlem pep sha katei ka Dorbar Kur jong ka Kur Dkhar, khnang ba ki Kam jong ka Kur kin long kiba iaid beit iaid ryntih, ha ryngkat ka jingi-shongkun bad ka phuh ka phieng.
