Shillong, Nohprah 05: U General Secretary ka Party UDP u la pyntip ba kin pynbna ia ki kyrteng jong ki kyrtong kiba nyngkong la shai ka sngi ha ophis jong ka party,ki kyrteng ki ban pynbna la shai ka sngi kin long kiba nyngkong.
Katkum ki thymmai khubor kiba ia jan bad ka UDP la ong ba ki kyrtong ban pynbna la shai ka sngi kin kynthup ia u President ka party na Mairang, u bah Metbah Lyngdoh ba dei ruh u Lamphang ka iing dorbar jong ka jylla.
Kiwei ki kynthup ia u CEM jong ka KHADC u bah Titosstarwell Chyne na Sohra, u MLA ka Shella u bah Balajied Synrem, bah Olan Suin na Mawsynram, bah Pious Marwein na Ranikor, bah Nujorki Syngoh MLA kine ki long kiba kham paw ha khmat.
Katba ia ka Nongpoh, Nongkrem, Mawkyrwat ka UDP ka dang ap ia ki MLA jong kitei ki konstitwensi ba kin hiar shuki shuwa ba kin wan pyniasoh sha ka party. Kane ka jingpynbna ia ki kyrtong la shai ka sngi kin long ha ka thup kaba nyngkong.
