Shillong, Naiwieng 30: Ka Executive jong u bah Titosstarwell Chyne hapoh jong ka KHADC la shai ka 
sngi kan phah ia ka House Committee ban leit jurip sha Domiasiat halor ka jingkynnoh ba ka don kata ka jinglait ka lyer na ki top ba thep ia u Uranium.
Kane ka House Committee kaba kynthup ia ki hynrewi ngut ki MDC, hapoh ka jingialam jong u Deputy CEM u bah Gigur Myrthong ha kaba u nongialam ka liang pyrshah u bah Lamphrang Blah u don lang kin leit la shai ka sngi sha katei ka jaka ba do ka par Uranium sha Domiasiat ban ia kynduh ia ki paidbah Nongshong shnong katei ka thain.
Ia kane ka House Committee kaba kynthup ia ka liang synshar bad liang pyrshah ba kin leit jurip ia katei ka jaka ban lap ia ka jingshisha la kata ka jingkynnoh ba ka don kata ka jinglait ka lyer bih kane ka House Committee ka ban leit la shai ka sngi kin hap ban ai ia ka kaiphot sha ka Executive Committee.
Lah ban pynkynmaw ba ha kane ka dorbar synrai jong ka KHADC kala don ka jingiakren hapoh ka iing dorbar bad ka iing dorbar kala shim ia ka rai ban thaw ia ka House Committee ha kaba ki MDC na baroh ar liang kin ialeit ban jurip ia katei ka jaka ban ia kynduh ia ki paidbah nongshong shnong.
