La shai ka sngi kin leit ki nongialam Congress ban jurip ia ka krem dewiong ha Lumthari

Shillong, Nohprah 27: Ki nongialam jong ka seng Congress la shai ka sngi kin leit sha East Jiantia Hills ban leit jurip ia ka krem ba la shlei um ha Lumthari ha kaba la suba ba 15 ngut ki briew kila duh ei iala ka jingim ha kane ka jingtih dewiong beain.

Kane ka jingjia kala jia ha ka 13 tarik mynta u bnai ha kaba nyngkong la suba ba 13 ngut ki briew kila shah tam hapoh jong kane ka krem dewiong bad ha dien na ka liang jong ki bor sorkar na ka District Administration kila suba ba baroh kiba sah kut hapoh jong kane ka krem dewiong ki long 15 ngut.

Na ka liang jong kiba ha ha sem jong kito kiba la shah ban ha kane ka krem dewiong kim don shuh kata ka jingkyrmen ba kin dang im hynrei ka jingangnud jong ki ka long ba lada long kaba lah ban ioh sei ia kamet jong ki katei ka krem.

Ki bor jong ka District Administration kila pyrshang ia la ka buit ka bor jong ki ban ioh ban pynlait ia ki briew hynrei na ka daw jong ka jingbym lah ban ring ia ka um na kane ka krem kala pynlong ia ki ban buh teng shuwa haduh ba kim da ioh dakiwei pat ki pump um kiba khlain bor.

Ha duh mynta na ka liang jong ki nongmih khmat paidbah kiba la leit sha kane ka jaka ban jngoh ka logn tang u Dr Azad Zaman MLA jong ka Rajabala bad la shai ka sngi ka jingleit kan long na ka seng Congress.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet