Shillong, Nohprah 17: ka jaidbynriew khasi kam dei shuh kaba duna ha ka liang ka thoh ka tar bad ka jylla Meghalaya kum ka dak jong ka jingburom ia u Soso Tham naduh mynta u snem kala pynlong ia ka sngi iap jong u kum ka sngi shuti sorkar ban burom ia une u riew khraw.
U Lat jong ka jylla ha ka jingphah khubor mynta ka sngi u la ong ba, u Soso Tham u la long shisha u ba la noh syniang shibun eh ha ka thoh ka tar bad ban pynroi ia ka ktien khasi bad ai kane ka jingtrei jong une u riew khraw kan dang ai mynsiem ia ki pateng ban dang wan.
Ha ka khubor jong u Myntri rangbah ka jylla u Conrad K Sangma kaba u la phah mynta ka sngi kum ka jingburom ia ka lyngkhuh sngi iap ba 78 snem jong u ne u riew khraw u la ong ba, ia u ne u riew khraw u nongthoh ba paw jong ka jylla yn ia kynmaw burom bad ka jingburom ka leit sha u.
