Shillong, Nohprah 2
0: Ka jingangnud ki paidbah ka jylla Meghalaya bad ki kynhun seng bhalang ban iohi ia ka jingpyntrei kam ia ka khyrdop jaka rung jaka mih ia ki briew kiba na bar ki ban wan sha ka jylla Meghalaya ym plie la shai ka sngi ia ka khyrdop kaba nyngkong eh ha ka jylla hapoh Umlong ha Ri Bhoi District.
ka jingbuh ia kane ka khyrdop ka long katkum ka ain jong ka Meghalaya Residence Safety bad Security Act, 2016. Katkum kane ka act ka long ba ka sorkar ka hap ban buh ia ki khyrdop ban peit ia ki briew kiba rung ba mih na kane ka jylla Meghalaya.
Ka jingiaksaid ban don noh ia kine ki khyrdop kala iaid naduh snem 2016 bala ioh ia kane ka ain bad ka jingplie ia kane ka khyrdop la shai ka sngi kan long ka khyrdop kaba nyngkong ha ka jylla Meghalaya.
Naduh la shai ka sngi, kiba rung sha ka jylla Meghalaya lyngba ka surok bah GS Road ki hap ban ai kyrteng bad kiba mih ruh kumjuh, kane ka long kawei na ki bynta ban ialeh pyrshah ia ka jingwan rung tuh ki briew kiba na bar sha kane ka jylla da ka jingthmu ban buhai shnong.
Ki seng bhalang ha ka jingialang ha kine ki ngi ha Motphran kila ong ba lada ka sorkar kam lah ban plie iakane ka khyrdop la shai ka sngi kin leit ban plie hi pynban pyntrei kam ia kane ka khyrdop ha katei ka jaka.
katkum ka jingpynbeit bala buh ba ia kane ka khyrdop kaba nyngkong ban peit ia kiba rung ba mih ha kane ka jylla la buh ban plie u Myntri Rangbah ka jylla u Cornad K Sangma bad u Symbut myntri rangbah ka jylla u bah Prestone Tynsong bad ka jingplie kan long ha ka por 9.30 baje mynstep.
