La shai ka sngi yn pynsmai ia u Bah Brolding Nongsiej kum u Myntri Sorkar

Shillong, Nailur 17: U myntri rangbah jong ka jylla Meghalaya u Conrad K Sangma mynta ka sngi u la phah ia ka jingtip sha u lat jong ka jylla ban kyntu ban pynsmai ia u Bah Brolding Nongsiej kum u myntri sorkar jong ka jylla.

Katkum ki thymmei khubor kiba la ioh na Raj Bhavan Shillong, la ong ba la buh por ban pynshai myntri sorkar la shai ka sngi ha ka por 11.00 baje mynstep ha Raj Bhavan Shillong,katba ia kyrteng khlem pat iathuh.

Katba na ka liang jong ka party UDP kila pynsngew ba ha ka jaka jong u Bah Metbah kin pynrung ia u Bah Brolding Nongsiej kaba yn sa pynbam smai la shai ka sngi kum u myntri sorkar.

U Bah Brolding Nongsiej un mih bujli ia u Bah Metbah Lyngdoh na ka party UDP, ha dien ba u Bah Metbah u la jop ia ka ilekshon speaker jong ka iing dorbar thawain ka jylla ha kane ka sorkar MDA.

U bah Brolding Nongsiej u la jop ia ka MLA ilekshon na ka party UDP nap oh jong ka 31-Mawthadraishan Konstitwensi la ar sien.

U bah Lahkmen Rymbui Myntri ka sorkar jylla u ba dei ruh u Working President ha ka party UDP, haba kren ha u SP News Agency u la iathuh ba ka jingpynsmai ia u Bah Brolding Nongsiej kum u myntri sorkar kan long la shai ka sngi por 11.oo baje mynstep.