Shillong, Naiwieng 13: U myntri rangbah ka jylla u Conrad K Sangma u la ong ba ka jingiakynduh jong ka kabinet mynta ka sngi ka long ban ia kren halor kawei ka phang bad ia dei bad ka tnad Excise kumno ban kham pynmih shuh shuh ia ka khajna na kane ka tnad sorkar.
Haba kren ha ki lad pathai khubor u la ong ba kumba ka long mynta ka sngi ka kabinet kala pdiang ia ka rai ban pynmih shuh ia ka khajna lyng ba kane ka tnad Excise, hynrei dang don kam ban pynkylla ia ki kyntien kumta ia ka rai ym sa lah ban batai la shai ka sngi ha dien ba la lah ban pynbiang ia ki jingthoh.
Na ka liang jong u myntri rangbah u la ong ba ha kane ka kabinet kila ia kren ruh ia kiwei kiwei ki tnad sorkar kumno ban leh na ka bynta ban wad ia kilad ki lynti ban pynmih pisa kane ka long tang ka jingiakren namar ka phang kaba la wan rah hapoh ka kabinet dei tang halor ka tnad excise.
