Shillong, Jylliew 25: Ka seng ki samla pule jong ka North Eastern Hill University Student Union (NEHUSU) kala dep ban pynlong ia ka election ban jied ia ki nongkit kam kiba thymmai na ka bynta ka samoi treikam 2024-2025.
Ha election kaba la long u samla Sandy Sohtun u la shah jied kum u President ka NEHUSU, u samla Riki Deiburom Rabon kum u Vice President, u samla Toniho S Kharsati kum u General Secretary, ka samla Eva Kordor Kharshandi kala shah jied kum ka Assistant Secretary, u Samla Ymphaidien Sutong ban bat ia ka pla pisa.
Kiwei ki nogkit kam ki long u samla Soki Syrti, u samla Banskhemlang Marwein, ka samla Edna Callista Kharsyntiew, ka samla Naphisabet Marwein bad u samla Bashankur Buhroy. Ka jingpynskhem ia ki kum ki nongkit kam ba thymmai kan long la shai ka sngi.
