Shillong, Nohprah 17: U Myntri Rangbah Duh, u Narendra Modiun wan sha Meghalaya bad Tripura la shai ka sngi 18/12/2022. Ha nongbah Shillong, u Myntri Rangbah Duh un ia shim bynta ha ka jingrakhe golden jubilee jong ka North Eastern Council.
Ha ka por kumba 10:30 mynstep, u Myntri Rangbah Duh un iashim bynta ha ka jingialang jong ka North Eastern Council ha State Convention Centre, Shillong. Hadien kane, ha ka por kumba 11:30 mynstep, unplie paidbah, aiti bad buh maw nongrim ia ki projek kiba bun ha ka jingialang paidbah ha Shillong.
Hadien kane, unleit sha Agartala bad ha ka jingialang paidbah ha kumba 2:45 nohphaisngi, un pliepaidbah bad buh maw nongrim ia ki projek kiba kongsan, hapoh katei ka jylla.
U Myntri Rangbah Duh un iashim bynta bad ai jingkren ha ka jingialang jong ka North Eastern Council (NEC). Ka Council ka dei kaba la pliepaidbah ha ka 7 tarik u Naiwieng, 1972.
Ka NEC ka la don ka bynta kaba khraw ha ka jingkyntiew ia ka imlang sahlang bad ka roi ka par jong ka thain shatei lam mihngi bad ka la ai jingiarap ia shibun ki projek na ka bynta ki jingdon jingem bad kiwei kiwei ki sienjam na ka bynta ka roi ka par ha baroh ki jylla jong ka thain.
Ka la iarap ban wanrah ia ka pisa bad ki jingdon jingem ha ka imlang sahlang, khamtam ha ki kam kiba don shibun ki jingduna kiba heh kiba kynthup ka pule puthi, ka koit ka khiah, ki kam ialehkai, ki tyllong um, ki kam rep, ki kam jngohkai, ki karkhana bad kiwei kiwei.
Ha ka jingialang paidbah, u Myntri Rangbah Duh unpliepaidbah, aiti bad buh maw nongrim ia ki projek kiba kot palat T. 2450 klur. Ha ka sienjam ka ban kyntiew ia ki kam telecom ha ka thain, u Myntri Rangbah Duh un aiti sha ka ri ia ki 4G mobile tower, ia kiba 320 tylli la pyndep bad kumba 890 tylli ki dei kiba dang shna.
Unpliepaidbah ia ka jaka ba thymmai jong ka IIM Shillong haUmsawli. Unplie ruh ia ka surok Shillong – Diengpasoh, ka ban kyntiew ia ki lad sha ka khapsor Shillong bad ka ban pyllait ia ka nongbahShillong na kajingdheng kali. Unplie ruh ia saw tylli ki projek surok ha ki lai tylli ki jylla kiba long ka Meghalaya, Manipur bad Arunachal Pradesh.
Unpliepaidbah ia ka Spawn Laboratory ha ka Mushroom Development Centerha Meghalaya ban kyntiew ia ka jingpynmih tit bad ban ai jinghikai ia ki nongrep bad ki nongseng kam lajong.
Unpliepaidbah ruh ia ka Integrated Beekeeping Development Centre ha Meghalaya ban kyntiew ia ki lad kamaijakpoh jong ki nongringap lyngba ka jingkyntiew ia ki sap bad ka jingkyntiew ia ka teknoloji. Shuh shuh, unpliepaidbah ia 21 tylli ki Hindi library ha Mizoram, Manipur, Tripura bad Assam.
U Myntri Rangbah Duh un buh maw nongrim ia hynriew tylli ki projek surok ha Assam, Meghalaya, Manipur, Mizoram bad Tripura. Un buh maw nongrim ruh ia ka Integrated Hospitality and Convention Centre ha Tura bad ka Shillong Technology Park Phase -II.
Ka Technology Park Phase -II kan don ha ka jaka ba la tei kaba heh kumba 1.5 lak square phut. Kan plieia ki lad ba thymmai na ka bynta kito kiba la pyntbit ha ki kam bad la kyrmen ba kane ka jaka kan plie lad ban ioh kumba 3000 tylli ki kam.
Ka Integrated Hospitality and Convention Centre kan don kawei ka convention hub, ki kamra sah briew, ka jaka die bam bad kiwei kiwei. Kan pynbiang ia ki jingdon jingem ban kyntiew ia ki kam jngohkai bad ban pyni ia ka deiriti jong ka thain.
U Myntri Rangbah Duh unpliepaidbah, aiti bad buh maw nongrim ia ki sienjam ba kyrpang kiba kot sha palat T. 4350 klur. Ka jingpeit bniah jong u Myntri Rangbah Duh ka dei ban pynthikna ba baroh ki don la ka jong ka iing sah.
Ha ka sienjam kaba heh ban pynthikna ia kane ha kane ka thain, u Myntri Rangbah Duh un pliepaidbah ia ka prokram GrihPraveshna ka bynta kito kiba ioh jingmyntoi na ka PradhanMantriAwasYojana, Urban bad ka Pradhan Mantri AwasYojana Rural.
Kine ki iing sah briew kiba la thaw ha ka jinglut kaba kot palat T 3400 klur kin ai jingmyntoi ia palat 2 lak ngut ki briew. Da kaba peit bniah ban kyntiew ia ka jingpyniasoh lyngba ki surok, u Myntri Rangbah Duh un pliepaidbah ia ka projek ban pyniar ia ka Agartala bypass (Khayerpur – Amtali) NH-08, ka ban iarap ban pyllait na ka jingdheng kali ha nongbahAgartala.
Un buh maw nongrim ruh ia 32 tylli ki surok kiba don ka jingjrong kaba 230 Km hapoh ka PMGSY III (PradhanMantri Gram SadakYojana) bad ka jingpynbha ia 112 tylli ki surok kiba don ka jingjrong kaba 540 Km. U Myntri Rangbah Duh unpliepaidbah ruh ia ka State Institute of Hotel Management haAnandnagar bad kaAgartala Government Dental College.
