Shillong, Nailar 01: U Myntri Rangbah ka Jylla U Conrad Sangma un ioh ban plie pyrda ia ka jingialh kai Football jong ka 133rd ka IndianOil Durand Cup ia ka bay n ioh ban pynlong ha nongbah Shillong ia ka ba ynsdang na duh ka 2 tarik u Nailur 2024 ha Jawaharlal Nehru Stadium Polo, Shillong.
Ha kane ka sngi plie ia ka Durand Cup ha Shillong yn wan ban ia don bynta lang na duh ki Heh shipai ka Eastern Air Command u Air Marshal S P Dharkar, bad kiwei kiwei pat ki officer jong ka Eastern Air Command.
Ha ka sngi ia leh kai ba nyngkong ha nongbah Shillong yn sakhie ia ka jingiakhun ha pdeng ka Shillong Lajong FC pyrshah ia ka Nepal’s Tribhuvan Army Football Team.
Ha kane ka sngi plie pyrda ia ka Durand Cup ha Shillong yn ioh ruh ban sakhie ia ki jingpynher ia ki lyngsuin, yn ioh ban sakhie ia ka jingrwai Bhangra bad Gatka da ki kynhun shipai ba 2 bad ba 13 jong ka kynhun shipai Sikh.
Yn ioh ruh ban sakhie ia ki jingrwai na ka Gracyl bad Dapelai, u Lamphang bad ka kynhun, yn ioh ruh ban sakhie ia ka ka Musical Ensemble ha ka bay n iashim bynta da palat 800 ngut ki khynnah skul na ki skul bapher bapher jong ka nongbah Shillong.
Ha kane ka sngi u Myntri Rangbah ka Jylla un ioh ruh ban khublei kitboh ia ki kynhun ialehkai kata ka Shillong Lajong FC pyrshah ia ka Nepal’s Tribhuvan Army Football Team.
Ka nongbah Shillong kan ioh ban pynlong ia ki jingiakhun jong ka group F ki ba kynthup ia ka kynhun ïalehkai ka ISL ka FC Goa bad ka Hyderabad FC ryngkat ka Shillong Lajong FC bad ka Tribhuvan Army Football Team jong ka Nepal.
