Shillong, Lber 04: U nongialam ka NPP u Conrad K Sangma la pynthikna ba ka jingpynsmai ia ka sorkar kaba thymmai kan long ha ka sngi ba ar ka 7/3/2023 haka por 11.00 baje mynstep ha Raj Bhavan, Shillong.
Haba kren ha ki lat pathai khubor u Conrad ban sa bam smai ha ka sien kaba ar kumu myntri rangbah ka jylla u la ong ba ka jingpynbam smai kan long ha ka por 11.00 baje mynstep bad la khmih lynti ba u myntri rangbah duh jong ka Ri India bad u myntri kam poh iing kin don lang.
Ha kane ka sorkar kaba thymmai, ka NPP ka don 26 ngut, ka BJP 2, ki 2 ngut ki MLA kiba la jop na ka HSPDP, u kyrtong shimet na Baghmara. Lah ban pynkynmaw ba kane ka iing dorbar kan kut ha ka 15/3/2023.
