Shillong, Nailar 14: Mynta ka sngi ki briew kiba la test COVID-19 ha ka jylla ki long 35 ngut baroh. Na kine ha East Khasi Hills ki long 14 ngut, 7 ngut dei ki BSF bad 7 ngut ki riew paidbah, 1 ha South West Garo Hills, 20 ha West Garo Hills, 16 ki BSF bad 4 ki riew paidbah.
Kiba shitom hapoh East Khasi Hills na ki 7 ngut kynthup ia kawei ka kynthei kaba shong dukan ha Rilbong ha kaba ki dangwat ia kito kiba don jingiajan bad ka, kane kaba la test COVID-19 positive kam dei ka briew ba leit shaei shaei kane kaba kham buh ia ka tnad ka koit ka khiah ha ka jingeh.
Kiba dang shitom mynta ha ka jylla ki long 641 ngut, East Khasi Hills 419 na kine ki BSF 85, ki kynhun shipai 71 bad ki riew paidbah 263 ngut. West Khasi Hills 3, South West Khasi Hills 1,Ri Bhoi 83, West Jaintia Hills 16, East Jaintia Hills 5, West Garo Hills 102, South West Garo Hills 3, South Garo Hills 3 bad North Garo Hills 6.
Kiba la koit baroh haduh mynta ki long 581 ngut, kiba la shim nongmuna haduh mynta ki long 42910, kiba la test negative 41425 bad ki resolt kiba dang ap ki long 257 ki briew bala wan phai haduh mynta ki long 27767 ngut.
