La thung ia ka Magistrate ban tohkit  hato u Bernard u dei shisha u trei ne em ia ka Edenbari

Shillong, Naitung 27:  Ban lap ia ki jingshisha baroh na ka liang jong u Deputy Commissioner jong ka West Garo Hills District u Swapnil Tembe IAS mynta ka sngi u la thung ia ka kynhun tohkit ban tohkit da ka Magistrate ban lap ia ki jingshisha baroh ia kaei kaba la jia hapoh ka Edenbari Resort, ia kane ka jingtohkit yn khlieh da ka Rezia Ch Sangma Executive Magistrate.

Ki bynta kiba la buh ban tohkit ha katei ka jingjia ki long, hato u Bernard N Marak  u dei u trai jong katei ka jaka, hato la ioh jingbit ne em na ki bor ba dei khmih ban pyniaid ia kum katei ka Resort.

Hato ka jingtei ia ka iing ka long katkum ki kyndon bala ai na ka tand ba dei peit shna iing, hato ka jingring light sha katei ka jaka ka long katkum ka ain, la ia ka bai light la siew ne em, hato ka jingring um ka long katkum ka ain bad lada ka dei hato la siew ne em ia ka bai um.

Hato la ioh ne em ia ka laisen ban die kyiad bad ban pyniaid ia ka dukan, hato kala don ne em kata ka jingjurip ha kaba ia dei bad ka jingkhuid jingsuba bad lada la leh don ne em ka syrnod.

Ka jingtohkit kan long ruh halor ka jingbuh ia ki khynnah rit, hato la ioh jingbit ne em na ki bor jong ka ain ban buh ha kaba la kynnoh ba ia ki khynnah la pyndon kam ia ki ban trei ha katei ka jaka, hato la pan jingbit ne em ban pynlong ia ki jingkhawai.

Ha kane ka hukum bala pynmih mynta ka sngi haba thung ia ka Magistrate ban tohkit la bthah ban pyndep ia kane ka jingthohkit  hapoh 15 sngi, naduh ka sngi ba pynmih ia kane ka hukum, la bthah u Deputy Commisioner jong ka West Garo Hills.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet