Shillong, Risaw 12: Mynta ka sngi u President ka BJP Meghalya State Unit u bah Ernest Mawrie u la pynmih ia ka jingpynbna ba la thung ia u bah Mariahom Kharkrang bad ia u bah Gregory F Shullai kum ki nongai ktien ka party BJP ha ka jylla Meghalaya.
Kane ka jingthung ia kitei ki ar ngut ki nongialam ka party BJP kum ki nongai ktien ka long ban pynkhlain ia ka jingtreikam ka party khamtam eh ha kane ka bor ba kila pynkhreh na ka bynta ka MLA elekshon MLA ka ban long ha u snem 2023.
Ka party BJP ka dang ialeh ban ioh ia ki kyrtong ban ia khun na party ha ka elekshon 2023 namar ki kwah ban pynieng kyrtong ha baroh ki 60 tylli ki konstitwensi kiba donha ka jylla baroh kawei, ka jingthung ia kitei ki ar ngut nongai ktien ka long ban iarap ia u president ka party.
Lah ban pynkynmaw ba ka jingiakhun ban ioh ia ka tiket MLA na 17-Shillong North ka long ha pdeng u bah Michael Kharsyntiew bad u bah Mariahom Kharkrang baroh ar ngut ki dei kiba dang shu rung shen sha ka party BJP bad ia ka rai iano ban ai tiket kan long ha ki bor ba halor jong ka party.
