Shillong, Kyllalyngkot 22: U National President jong ka party National People’s Party u Conrad k Sangma u la thung ia u Dr DD Lapang ba un long u Chairman jong ka North East Coordination Committee (NECC).
Kane ka jingthung ia u Dr Lapang kum u khlieh jong ka NECC, ka long ba ka seng ka kwah ban dang pynkhlain shuh shuh ia ka party ha kane ka dong shatei lam mih ngi jong ka Ri India bad kane kan long ruh kum ka jingpynkhreh ia ka MP ilekshon na ka liang jong ka party.
Katkum ka shithi kaba la phah sha u Dr Lapang na ka liang jong u president rangbah duh jong ka seng NPP, u la ong ba la thung ia u kum u Chairman jong ka NECC bad ha kane ka shithi ym shym la batai shai kaei ka kam jong kane ka NECC.
