La wanrah ia ka jingpynkylla ia ka ain shongkha ki kynthei sha ka 21 snem ka rta

New Delhi, Nohprah 31: Ban pynthikna ka roi ka par, ka jingsumar bad ka jingiada ia ki longkmie bad ki khynnah, ka Tnat Women & Child Development ka la shim katto katne ki sienjam hapoh ki skhim bapher bapher, ki ain, ki jingpynsuk ia ki kam, ki tamasa ban pynsaphriang jingtip bad plie lad ban ioh jingpule.

Ka bam kaba tei, ka jingkyrshan ban plie lad ia ki longkmie bad ki khynnah ba kin kiew shaphrang, ba kin long kiba khlain bad ba kin poi sha ki thong jong ki. Ki sienjam ba kongsan jong ka Tnat Women & Child Development ha u snem 2021 ki long kumne harum:

La wanrah ia ka Bill on Prohibition of Child Marriage (Amendment) Act, 2021 ha ka iing dorbar thawain Lok Sabha ha ka 21.12.2021 ban pynkiew ia ka rta ban shong kurim ki samla kynthei na ka 18 snem sha ka 21 snem ka rta.

Dang pyntreikam ia ka skhim Beti Bachao Beti Padhao ha baroh kawei ka ri kaba kynthup 640 tylli ki distrik (katkum ka khana samari 2011) jong ka ri.

Na ki 640 tylli ki distrik, 450 tylli ki distrik ki dei ba la treikam ki sienjam ba bun bynta ha ryngkat ka Media Advocacy hapoh ka jingpeit jong ki DM / DC bad baroh 640 tylli ki distrik ki dei kiba la pyntreikam ia ka prokram advocacy bad media.

Hapoh ka Pradhan Mantri Matru Vandana Yojana (PMMVY) la pynpoi pisa haduh T. 5,000/- sha ki bank account ne iing dak jong ki longkmie kiba dang pun bad kito kiba dang shu ioh khyllung da kaba pyndonkam ia ka rukom treikam Direct Benefit Transfer.

Kane ka dei ka sienjam ban pynkup bor ia ki longkmie da kaba ai jingkyrshan ia ka ioh ka kot jong ki bad ruh ka jingpynshlur ia ki ba kin wad ia ki lad ioh jingsumar. Haduh ka 24.12.2021, 2.17 klur ngut ki longkmie ki la ioh jingmyntoi lyngba ka jingsiew kaba la kot haduh T.9457/-klur hapoh ka skhim.

La plie ia ka rynsan online na ka bynta ka skhim PM CARES for Children ia kaba lah ban ioh ha ka pmcaresforchildren.in. Ia kane ka rynsan la plie ha ka 15.07.2021 ban pynrung kyrteng bad ban ithuh ia kito kiba dei ban ioh jingmyntoi kiba long ki khynnah kiba la duh noh ia la ka kmie bad u kpa lane ki nongsumar jong ki lane ka kmie ne u kpa namar ka khlam COVID-19 naduh ka 11.03.2020.

La pynlong katto katne ki jingiakren ha kane ka rynsan online hapdeng ki Tnat Sorkar Pdeng bad ki Jylla bad  UT khnang ban pynthymmai ia ki jingtip shaphang kine ki khynnah ha kane ka rynsan.

Katkum kane ka rynsan, baroh kiba la pynrung kyrteng haduh ka 24.12.2021 ka long 6098 bad na kine 3481 ki jingkyntiew kyrteng ki dei kiba la mynjur da ki Distrik Magistrate bad la plie ia ki account Post Office na ka bynta 3275 ki nongioh jingmyntoi hapoh kane ka skhim. Ia ki kyndon jong kane ka skhim lah ban ioh ha ka: https://wcd.nic.in/acts/pm-cares-children-scheme-guidelines

Ki One Stop Centre: La ai jingiarap bapher baper ha kawei ka jaka na ka bynta ki longkmie kiba shah thombor bad kiba donkam ia ka jingkyrshan. Kine ki kynthup ia ka jingplie lad ban iakren bad ki pulit, ki jingiarap kiba iadei bad ka ain ne ki jingioh jingsumar.

Ki jingiasyllok bad ki jingsumar kiba iadei bad ki jingmut jingpyrkhat lyngba 704 tylli ki One Stop Centre lane ki Sakhi Center kiba don ha 34 tylli ki Jylla / UT. La pynbiang ruh ia ka jingiarap kaba kyrkieh bad ka bym kyrkieh lyngba ka toll-free helpline na ka bynta ki longkmie (181). Haduh ka 24.12.2021 la ai jingiarap ia palat 54 lak ki longkmie.

Ban rakhe ia ka jingdap 75 snem ka jingioh jinglaitluid ka ri, ka Tnat ka la pynlong ia ka Azadi Ka Amrit Mahotsav hapoh ka phang ‘Children Ideas, Rights & Nutrition’ kaba long ka prokram kyrpang na ka bynta ki khynnah kaba la long naduh ka 14 haduh 21 tarik u Naiwieng, 2021.

Ka jing thmu jong kane ka prokram ka dei ban pynsaphriang jingtip shaphang ki hok jong ki khynnah bad ruh ban ktik ia ka jingmut jingpyrkhat jong ka imlang sahlang ha kaba iadei bad kine ki hok lyngba ki prokram ha ki Child Care Institution (CCI) bad ki Specialised Adoption Agency.

Ka National Commission for Protection of Child Rights (NCPCR) ka la pynlong ia ka prokram ha baroh kawei ka ri ha ka 21 tarik u Naiwieng, 2021 lang bad kito kiba don kti ha ki kam kiba iadei bad ki hok jong ki khynnah da kaba ban jur halor ki jingiada ia ki khynnah.

Ha kane ka prokram ba la long baroh shi taiew, ka Tnat ka la pynlong ia ki prokram ai jingtip, webinar ha ryngkat ka jingiakynduh bad ki jiniakynduh bad ki briew kiba kwah ban shimti noh ia ki khun swet.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet