Mairang, Jymmang 21:, 2021: U Divisional Magistrate ka Mairang Civil Sub-Division, Mairang ha ka hukum ba la pynmih mynta ka sngi u la pyntip ba hadien ba lah dep test lut ia baroh ki High Risk Contact kiba don ha ka Shnong Mairang Mission bad ka Shnong Umthied Bynther, la weng noh ia ka Containment Order na ka bynta kine ki ar shnong naduh mynta ka sngi, ka 21 tarik u Jymmang, 2021.
Lah ban pynkynmaw hangne ba la pynhap ia kitei ki ar shnong kum ki Containment Zone ha ka 11 tarik u Jymmang, 2021 kum shibynta ban tehlakam ia ka jingsaphriang jong u khniang jingpang COVID-19 namar ka jingdon jong ki nongpang COVID-19 bad ki High Risk Contact ha kitei ki shnong.
