Shillong, Naitung 06: U bah Victor Ranee haba jubab ia ka jingkylli jong u bah Carnes Sohshang ha kaba ia dei bad ka jingmang pisa ka sorkar pdeng na ka bynta ka koit ka khiah ka khuid ka suba, la ong ba ka jingia kren bad ka sorkar ka dang iaid ban kyntu ia ka sorkar ba kan pynlait noh ia kane ka pisa.
La iathuh hapoh ka iing dorbar ba u symbut Chief Executive Member jong ka KHADC u la thoh sha u myntri rangbah ka jylla ia kaba ka sorkar haduh mynta kam pat ai kano kano ka jubab.
Haba iarap ban jubab ia katei ka jingkylli u Chief Executive Member jong ka KHADC u bah Titostarwell Chyne la ong ba ka Executive Committee kila ia kren bad ka sorkar jylla hynrei haduh mynta kam pat pynlait bad la ong ba ki don ki ophisar ha ka sorkar kiba pyrshang ban ialam bakla.
Ia kane ka pisa kaba la mang da ka sorkar pdeng ka sorkar jylla kam lah ban pyndon kam shawei pat, lada ka pynslem ban pynlait ia ka pisa ka sorkar jylla ka hap ban siew ryngkat bad ka sut, lada dang pynslem pat ka KHADC kam ban se ban pyntip sha ka tnad pla pisa ka sorkar pdeng ia ka jingbat ka sorkar jylla ia ka pisa.
Ha ka juh ka por na ka liang jong u CEM u la bthah ia baroh kiMDC ba kin sgnewbha ban phah kloi noh ia ki syrnot ba kila dep ban pyndon kam khnang ba ka ophis kan phah noh ia ka jingkhein, kumba ka long mynta don ki MDC la palat shisnem ruh kim pat phah ia ka syrnot baka dep ban pyndon kam ia ka pisa.
