Shillong, Jymmang 11: U bah AS Kharpran Secretary Umsning Central Election Committee, u la ong ba lada ka jingkhang dam ka dang bteng kin buh teng shuwa ia ka jingpynlong ia ka elekshon jied rangbah shnong Umsning.
Ha kren ha u SP News Agency, u bah Kharpran u la ong ba kane jingpynbna ban long elekshon ka dei kaba kila shu buh bad lada jia ba ka jingkhang dam ka dang iaid sa khmat kin pynsangeh hynrei lada jia ba la pynlait pat kin sa ia peit namar la dab uh teng kan sa sah teng namar kala dei ka por ban pynthymmai.
U Bah Kharpran u la kren shai ba ki hap ban kohnguh ia ki bor jong ka sorkar bad kum juh ia ki bor jong ka District, haba ia dei bad ka jingbthah ka KHADC nab uh teng shuwa ia ki elekshon ban jied ia ki khlieh nongsynshar ki la ioh ha kine ki sngi bad kum ka shnong ka hap ban kohnguh ia ki bor jong ka District Council.
La iathuh ba haduh mynta dang don tang u wei ba la wan shim phom ban ia khun ia kane ka elekshon kam rangbah shnong Umsning, u bah Kharpran u la kren shai ba kane ka jingbuh tarik abn jied rangbah shnong 29 tarik mynta u bnai kam pat dei ka rai kaba khatduh namar ki hap ban peit ia ka jinglong jingman kane ka jingpang COVID-19.
