Shillong, Nohprah 01: Ka KSU War jaintia circle myn ha ka 30 tarik Nohprah 2020 kala khot ia ka jingialang ia ki Rangbah shnong jongka thain war Jaintia bad ia Ka synjuk ki Rangbah shnong war Jaintia ban ai ia ka jing pynshai bad pyn sngewthuh ha kaba iadei bad ka jing pyrshah ia ka CAA bad bad ka jing dawa ban pyntrei kam Noh mardor ia ka ILP hapoh ka Jylla.
Ha kane ka sngi u President Rangbah jong ka KSU u samla Lambokstarwell marngar u lah iadon ryngkat ha kane ka jingialang U samla Sonstar Nongkhlaw Assistant Finance secretary sengkmie,samla, Leningrad Tariang organising secretary KSU JHDU bad naka liang ka Synjuk ki Rangbah shnong War Jaintia la wan ia shim bynta da u President Bah Daniel khongsit, secretary bah Siangmin Lakuna,Adviser Bah Kilmen pohshna ki Rangbahshnong na kylleng ka shnong ka thain war jaintia.
Ha kane ka jingialang naka liang ki Rangbah shnong bad ki nongialam jong ka Synjuk ki lah shim iaka Rai ba rangbah ban ai jingkyrshan pura ia kine ki mat jingdawa jongka KSU bad kiwei ki sengbhalang.
Ha kane ka Jingialang u President Rangbah ka KSU u la ban jur bad kyntu ia ki Nongkitkam Shnong ban long kiba peitngor lypa namar kane ka jingiai long mynthi jong ka Sorkar kmie ban pyntrei kam noh ia ka ILP hapoh ka Jylla bad u la ong ruh ba Kum ka jaitbynriew ngin hap ban pyntreikam hi iala ka jongkà ILP lada ka sorkar pdeng ka pynslem ban ai ia ka Jing kwah jong u Paidbah ka Bri Hynñiew trep.
Katba u President ka Synjuk ki Rangbah Shnong u Bah Daniel khongsit U la ong ba Nangne shakhmat ym dei ban ai Residential certificate ia ki bar jylla bad u la Maham ruh ba dei ban peitngor nangne shakhmat iaka rung ka mih jongki bar jylla hapoh shnong poh thaw khamtam ban ym ailad ha ka shongkha shongman.
Ia ka jingialang la pyniaid da u samla aurora B Pamksang Assistant General secretary Ka KSU war jaintia circle.kiwei kiwei kiba ai jingkren ki long samla Laitphar Syngkrem president KSU War Jaintia circle,samla Leningrad Tariang organising secretary KSU JHDU,Samla Sonstar Nongkhlaw Assistant Finance secretary KSU CEC bad hadien Bala kut ka jingialang la ioh iaka jingthang iaka tyngshop jongka u Nerendra Modi kum ka dak ban pynjur iaki jingiakhih bad ka jing pyrshah ia ka jing kuman ka Sorkar ban ai ia ka ILP .
