Shillong, Risaw 09: U bah HS Shylla CEM jong ka KHADC, u la ong ba lada ka sorkar kan ai da ka jingthoh ban nymtih Uranium ka KHADC kan ai ia ka NOC ia ka surok Wahkaji, lada ka sorkar kam ai da ka jingthoh ka kin hap ban buhteng shuwa katba ym pat ia shai.
U CEM jong ka KHADC, u la ong ba ki seng kiba pyrshah ka dei ka KSU bad ka LYWA, ka KHADC kan nym leh klumar namar kim kwah ban iohi ba kaei kaei kaba la jia hapoh jong ka KHADC kumha ka por ba long CEM u Bah PN Syiem. Hynrei lada ka sorkar kala ai da ka jingthoh ban nym don ka jingthih Uranium bad shim ia ka jingbah khlieh ka KHADC kan ai ia ka NOC.
Ka jinglum jong ka KHADC ia ka jingialang jong ki seng bhalang bad ia ki nongmihkhmat katei ka thain bania kren halor ka NOC ba pan ka sorkar bad u MLA jong ka Ranikor u bah Pious marwein ka long kat kum ka rai kaba la dep shim, ba lada don kano kano ka jingpan NOC ki hap ban khot ia ka jingialang ia kaba ka KHADC kala dep ban leh ia kata.
Ha ka jingialang kaba la khot, la wan mih khmat da u MDC jong ka langrin u bah Manstudy Nongrem, u MLA jong ka Ranikor u bah Pious marwein, u MDC ka Nongstoin u bah L G Nongsiej, u MLA u Bah Macmillian Byrsat bad kiwei kiwei ki kynhun kila ia poi lang.
Haba ia dei bad kaei kaba la mih ha ki lad pathai khubor mynta ka sngi, ia kaei kaba u Deputy Chief Minister ka jylla u bah Prestone Tynsong u la kren, na ka liang jong ka EC kan sa leit ban ia kynduh ia u Deputy Chief Minister mynta ka taiew ban ia kren bad ban ia shai halor kane ka jingpang NOC ha katei ka thain Wahkaji na ka bynta ki surok.
