Lada kam don jingpynwit ka KHADC kan pynioh ia u Syiem ba pura ha Hima Mylliem: CEM

Shillong, Nailar 30: Mynta ka sngi u Chief Executive Member (CEM) jong ka KHADC u bah Titosstarwell Chyne la plie paidbah ia ka CCTV hapoh Iewduh, kane ka long ban the lakam ia ki kam tuh kamthim bad ki kam sniew kiba bun jaid kiba juh jia man ka por ha Iewduh kaba la pynbud nam ia kane ka iew kyntang.

Haba kren ha kane ka jingplie ia ka CCTV, u bah Titosstarwell Chyne la ong ba lada kam don kano kano ka jingpynwit na ka liang jong ka District Council kan pynioh noh ia u Syiem ba pura jong ka, ka jignkwah ka KHADC kam dei na ka bynta jong no jong no hynrei ban bit ban biang ka synshar khaddar hapoh ka Hima barohkawei.

ka Hima Mylliem ka dei ban peit ba ka Iewduh kam dei ban long ka jaka ialeh awaria, kam dei ban don ki jaka ia khalai, ka jingdie ia ki kyiad pyrshi bad kam dei ban don ki nongdie kyiad pyrsi,ha ka juh ka por la ong ba kum ka Hima ka dei ban don ka jingkhein jingdiah kaba biang.

Haba ia dei bad ka jignialeh na ka liang jong ka  District Council ban khanglad ia ka jingpyndonkam ia ki pla plastik, la ong ba na ka liang ka ophis kan dang iai bteng ia ka jingkhynra bad lada lap ba don kiba dang die yn khang ia ki dukan bad la dei ki dukan ki bar jylla yn pynduh ruh ia ki Trading License.

Ha ka juh ka por la kyntu ia ka Hima Mylliem ba kan shna ia ki rule ki ain ba ia ki Dukan kiba la aiwai sha kiwei ki jaidbynriew ka Hima ka dei ban shim noh ia ki bad noh sha ki samla khlem ba kin ioh ban seng kam seng jam, kane kan long kawei na ki lat ai kam ia ki samla kiba la nang la stad.

Ha kane ka sngi u CEM jong ka KHADC la buh ruh ia u Mawnongrim ban tei ia ka Iewdielang ha ka jaka kaba don mynta, kane ka iew dielang kan don lai mala, ia ka jaka kaba hapoh kan long hi ka iew dielang bad ia kaba ha jrong kan long ka iew die khutia ia ki jhur ki jhep.

Ha kane ka sngi la plie paidbah ruh ia ka jaka lehniam kaba don ha Iewduh kaba la shna pynbha, ha kane ka sngi la don lang, ka kong Grace Mary Kharpuri, Bah Rangkynsai Kharbuki, bah Jambor War baroh lai ngut ki EM jong ka KHADC ha kaba kila ai jingkren ha kane ka jingialang.

Kiwei kiba la kren ki long u Syiem ba shipor jong ka Hima Mylliem Pa,im Ainam Syiem, ha kaba u la ai ruh ia ka dorkhas sha u CEM jong ka KHADC ha kaba ia dei bad ka jingdon kam ha Iewduh, ia ka jingialang la pyniaida da u Myntri Kharlukhi, ha kane la don lang ruh ki myntri ka hima ki seng nongshong iew ha Iewdu, ia ka jingialang la pynlong ha Iing pulit syiem ha khlieh Iewduh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet