Shillong, Nailur 07: Ka jingialang ka ba la long mynta ka sngi hapdeng ka sorkar Meghalaya bad ka kynhun “Shillong All Faith Forum” kila ia kren halor ka phang ban plie ia ki jaka mane blei ha Meghalaya.
U symbut myntri rangbah ka jylla u bahut Prestone Tynsong haba kren ha ki lat pathai khubor u la ong ba lada kiei kiei baroh ki iaid beit, ia ki jaka mane blei yn sdang ban plie noh ha ka taiew ba nyngkong u bnai Risaw.
La iathuh ruh ba ha kane ka jingialang la rai ban thaw ia ka Sub-Committee hapoh ka jinglong chairman u Chief Secretary ban peit biang ia ki kyndon haka ia dei bad ka jingplie ia ki jaka mane blei.
Kane ka sub committee kan ia kynduh mynta ka taiew bad kin sa aisa ia ka kaiphot sha ka sorkar, hadien bala ioh ia ka kaiphot ka sorkar kan sa khot biang ia ka jingialang ban shim ia ka rai lada kiei kiei baroh ki iaid beit.
Haba jubab ia ki jingkylli u symbut myntri rangbah u la ong ba ar bnai mynshuwa la pynmig ia ki kyndon hapdeng jong kane ka por ka tnad kam poh iing ka sorkar pdeng kala pynmih ia ki kyndon ba thymmai haba ia dei bad ki jaka mane blei.
Dei halor kane ba la hap ban peit bniah biang ia ki kyndon bad lada kiei kiei baroh ki iaid beit ia ki jka mane blei yn plie noh ha ka taiew ba nyngkong u bnai Risaw 2020, ka deo ba ka khlam COVID-19 kala sdang ban saphriang sha ki paidbah, hynrei danglah ban iada.
Ka jingthaw ia kane ka sub committee ka long ban peit bniah ia ki kyndon ha kaba ia dei bad ka jingplie ia ki jaka mane blei kiba la pynmih mynshuwa bad ban dang kham pynbha shuh shuh lad don kam.
