Shillong, Jymmang 27: U Myntri Rangbah ka jylla u Conrad K Sangma mynta ka sngi u la ong “ Lada ngan sngap ia ki jingkynnoh ngam nym don por shuh ban trei kam, kam shu lut por tang haba pynshai, ka bha ban nym sngap ia ki jingkynnoh ban ioh ban trei”.
Kane ka dei ka jubab jong u myntri rangbah ka haba jubab ia ki jingkynnoh jong ka BJP ka party kaba don lang ha ka sorkar bad kiwei kiwei ki kynhun kiba la kynnoh pyrshah ia ka sorkar, haba ia dei bad ka BJP u myntri rangbah u la ong ba ki nongialam bahalor ka BJP kam shym kren ei ei kiba kren dei tang kato katne.
Haba jubab ia ka jingkynnoh u nongialam ka liang pyrshah u la ong ba, u Dr. Mukul u tip kham bha namar ia ka jigndro ka iing dorbar la pdiang ha ka sorkar kaba rim, ha ka juh ka por u la ong ba um kwah ban pyrshah iano iano ruh, ka jingdawa ban hiar shuki ia u mytnri ka PWD Building ka dei ka jingkren kaba juh jia ha ka sian pyrthei.
Haba ia dei bad ka jingkynnoh ba ka jingtei ia ka ophis jong ka NPP khlem ioh jinbit kata ka long kaba bakla, la dei ia ka ophis jong ka party ha dien ba la ioh ia ka jingbit na ka tnad MUDA, ia ki jingkylli kaba kila buh ruh la dep ban jubab ia kaba ka MUDA kam shym phah jingtip ei ei shuh.
