Shillong, Lber 07: U myntri rangbah ka jylla u Conrad K Sangma u la ong u la iathuh ba ladep ban bthah ban khot ia ka jingialang jong baroh kis eng sain pyrthei ban ia kren halor ka shong suk shongain ha ka jylla.
Haba kren ha ki lad pathai khubor mynta ka sngi ha ophis trei kam jong u ha sekretariat iathuh ba kila don bun ki seng sain pyrthei kiba la kren ia u halor kane bad u la bthah ia ka Additional Chief Secretary ba dei peit ia ka tnad kam poh iing bad kum juh ia ka tnad political ban khot ia ka jingialang.
U mytnri rangbah ka jylla u khot u wer ia baroh ban ia trei lang na ka bynta ban wanrah ia ka shong suk shongsain, kumba ka long ka jingshong suk kala sdang ban wan bad ban leh ia kane don kam ia ka jingiatrei lang jong baroh ki paidbah, na ka liang jong ka sorkar ruh ka leh ia la ka kamram jong ka.
Halor ka jingong u nongialam ka liang pyrshah u Dr Mukul Sangma ba ka jingjia hapoh Ichamati ymd ei ban tohkit da u Magistrate hynrei la dei ban aiti sha kiwei, na ka liang jong u myntri rangbah u Cornad u la ong ba ia mynta kin ap shuwa ia ka kaiphot na u Magistrate ha din ba la ioh ia ka koitphot kin sa peit kumno ban leh.
Na ka liang jong u myntri rangbah u la ong ba u la khot ia ka jingilang ban ia kren halor ka jinglong jingman ka shong suk shong sain bad ha ia dei bad ka koprhiew kin dang ia kren biang ha ka por jan miet mynta ka sngi, na ka liang jong ka sorkar kan peit ba ka jingphara kan long kaba biang ban pynneh ia ka shong suk.
Na ka liang jong ka sorkar ka sngewthuh ia ki jingeh jong ki paidbah ba dei na kane ka dawa ka sorkar ka wad kilad ki lynti kumno ba kane ka jingpynjari ia ka korphiew kan nym ktah ia ki paidbah bad kham tam eh ia ki nongrep kiba wan dei ia ki marrep ka jong ki.
