Shillong, Iaiong 24: Ki shipai Border Security Force (BSF) ki ap ha khappud bad ka Bangladesh ha kane ka jylla Meghalaya kila ioh ban kem 78 ngut ki Khar Bangladesh bad 37 ngut ki nongkhaii kiba don kti ha ki kam khaii beain ha khappud.
Ki shipai BSF yn tang ba ki parah ia u pud u sam hynrei ki ia leh ban khanglad ia ki jingwan rungtuh ki briew na Bangladesh bad ban khanglat ia ki kam khaii beain wat ha pdenbg ki jingduna kiba bun ha ryngkat ka jingiatreilang bad ki pulit ka jylla.
Ha kine ki lai bnai ki BSF kila ioh ban kem haduh 750 tylli ki masi, ioh kurup ia ki mar ia khaii beain kum u Ganja, Kyiad, ki kuli pynbuaid kiba mut ban phah beain sha Bangladesh haba khein ha ka pisa ki mar bala ioh ban kurup la kot sha ka T.11.70 klur tyngka.
Ki BSF ym tang ba ki kut jingmut ban iada ia ki khappud bad ka Bangladesh hynrei kala pynlong ruh ia ki jingsumar ei bad jingai snam ei 13 sien bad 22 tylli ki jingiarap ia ki nongshnong ha khappud.
Ban iada kham bha ha khappud kala don ka jingiatreilang bad ki BGB ban pynthikna ba kan iaid beit ia ka jingpahara ha khappud, ki bynta kiba kongsan ka long ban peit ba kan nym don ka jingwan rungtuh, ka jingiakhaii beain bad ki riew sniew kim dei ban iohrung katba mon.
Na ka liang jong ki BSF haba kila ioh ban kem bad haba la tohkit la ioh shibun ki jingtip na kine ki riew sniew kiba la wan rung beain sha India, na ka liang ki BSF ki iatreilang bad ki pulit ka jylla ban ia khun pyrshah ia kine ki jingsniew bad kila ong ba kin dang iaid bteng ia kikam iaida kahppud bad ban dang kham pynbha.
