Lai ngut ki samla na North East kiba ioh ia ka khusnam Pradhan Mantri Rashtriya Bal Puraskar

New Delhi, K. Lyngkot 24: Ha ka Ri baroh kawei 32 ngut ki khynnah ki la ioh ia ka Pradhan Mantri Rashtriya Bal Puraskar, 2021. Ka Sorkar India ka la pynkup burom da ka khusnam Pradhan Mantri Rashtriya Bal Puraskar sha ki khynnah kiba don ia ki sap ba kyrpang bad kiba la leh ia ki kam ba khraw, ha ka jingsaindur thymmai, ha ki kam pule, ha ki kam ialehkai, ha ka arts & culture, ha ki kam ba iadei bad ka imlang sahlang bad ki kam shlur.

Kine ki khynnah ba la ioh ia kane ka khusnam kidei na 32 tylli ki distrik jong 21 tylli ki Jylla bad UT. 7 tylli ki khusam la ai ha ka thup Art & Culture, 9 tylli ki khusnam la ai na ka bynta ka jingsaindur thymmai bad 5 tylli ki khusnam la ai na ka bynta ka jingleh bha ha ka jingpule. 7 ngut ki khynnah ki la ioh ioh khusnam hapoh ka thup ki kam ialehkai, 3 ngut ki khynnah ki la shah pynkup burom namar ki kam shlur jong ki bad kawei ka khynnah ka la shah pynkup burom namar ki kam jong ka na ka bynta ka imlang sahlang.

Haba ai jingiaroh ia kine ki khynnah kiba la ioh khusnam, u President jong ka ri, u Ram Nath Kovind u la ong, “Nga kyrmen ba ka Pradhan Mantri Rashtriya Bal Puraskar, 2021 ym tangba kan ai mynsiem ia ki nongjop hynrei kan pynshlur ia kiwei ruh ki khynnah ba kin don ka jingangnud bad ba kin trei shitom. To baroh ngin ialeh tyngeh ban ialam ia ka ri jong ngi sha ki kyrdan ba thymmai jong ka jingjop bad jingseisoh.”

U Myntri Rangbah duh, u Narendra Modi un iakren bad kine ki khynnah lashai ka sngi, 25 tarik Kyllalyngkot, 2021 lyngba ka Video-Conferencing.

Na North East ki don lai ngut kiba la Shah jied ban ioh ia kane ka khusnam, Na Assam bad Manipur kila Shah pynkup burom ha ka ba ia dei bad ka Art and Culture bad ba na Tripura dei na ka Sport.

What Next?

Recent Articles

Leave a Reply

Submit Comment

*