Shillong, Iaiong 26: Mynta ka sngi ka KSU kala pynpaw ia ka jingsngewkmen bala alp biang ia u heprit Welcome Rasmut na Meghalaya la shem biang hadien ba u la jah na Bengaluru haka Step 12 tarik iaiong 2025 bad la ioh ia u na Tamil Naduh haka janmiet 16tarik iaiong 2025.
Ka jylla Meghalaya ka la ioh ka khubor kaba sngewtynnad bad pynkmen hadien ba la shem biang ia u Welcome Rasmut uba na Ummowlong, Jowai, u khynnah 16 snem karta uba la jah noh ha ka step 12 tarik Ïaïong 2025 na Kammanahalli, Bengaluru, Karnataka.
Ia u tei u khynnah la shem biang ha ka 16 tarik Ïaïong na Tamil Nadu da uwei u Pastor bad ki paralok jong i uba la iarap ban leit buh ia u hapoh ka jingpeit jong ka Child Welfare Committee (CWC) Krishnagiri, Tamilnadu, bad ia une u heprit Welcome Rasmut la aiti noh sha ki bahaing jong u ha Bengaluru ha ka 25 tarik Ïaïong 2025.
Ka jingjah noh jong u Welcome Rasmut ka la pynlong ia ki baha ïing ha sem bad ki paralok jong u ban syier mynsiem bad sah ha ka jing lyngngoh. Ia u tei u khynnah la iohi khatduh haka step 12 tarik u ïaiong 2025 hadien ba u la mih na ïing sah Jong u ban leit mareh step bad la suba ba u la bakla lynti.
Ka jingbym lah ban ioh jingtip halor jongjah Jong u, ka la pynlong ia ki baha ïing hasem ban phah khubor sha ki pulit bad naka liang ka seng ngi lah phah ki khubor sha ki local newspaper bad haki social media pages.
Lyngba ka jingiatreilang kaba janai jong shibun ki seng bad ki riewshimet, la ioh khubor ba u khynnah u la poi sha Tamil Nadu. Uwei u pastor uba shem ia u, u la shimkhia bad u la pynpoi ia u sha ka ka jaka ai jingsumar iaki khynnah ka Children Welfare Committee Krishnagiri Tamilnadu, kaba la peit bad sumar bha ia u haduh ba la ioh pdiang noh da ki ba ha ïing jong u.Ka jingjop ban ioh biang ia u Welcome Rasmut ka long ruh ka sakhi jong ka jingtrei shitom bad jingïatreilang kaba janai jong ki briew kiba ieit iaki para mynsiem bad kiba don ka jingkitkhlieh.
Kine ki kynthup ia u Bah Iada Martin Marbaniang, Pastor A.S. Nongrum jong ka KJCF Bangalore, ki paralok ba iasah marjan, ka NPP Ummawlong Youth Wing, Ka CWC Jowai, ki pulit na Banaswadi Police Station, ryngkat ki ba ha ïing ha sem, kiba la shim khia ban pynsaphriang iaka khubor wad jingtip bad ban wad jingïarap.
Ka jingai jingkyrshan na kine ki kynhun bad riew paidbah ka la pyni ba ka jingïatylli bad ka jingïarap para briew ka long kaba donkam tam ha ka synshar paidbah bad ha ka jingïada ia ki khynnah.
Ki bahaing jong u Welcome Rasmut ki ai ka jingsngewnguh kaba khraw sha baroh kiba la noh synñiang, kiba la kynmaw lem haki jingduwai bad kiba la kyrshan lem hakum kane ka por ba ki iakynduh iaki jingeh.
