Lap ka HANM ba dang don bun ki kor tylliat maw beain ha Umtyrnga RB District

Nongpoh, Rymphang 01: Mynta ka sngi ka seng Hynniewtrep A,chik National Movement jong ka Ri Bhoi District kila leit sha Umtyrnga ban jurip ia ka jingdon jong ki karkhana tyllai maw hapoh katei ka jaka kaba ia khap bad ka jylla Assam.
Ha kane ka jingleit jurip jong ka HANM mynta ka sngi kila lap ba ki don haduh khyndai tylli ki par maw bad ki kor tyllait maw kiba khang khyrdep, hynrei ki don tang ki mawria kiba la dep ban tyllait hynrei ki nongtrei pat kim don ha ki jaka tylait maw.
U bah John Khongsit Vice President ka HANM, u la ong ba ki bor jong ka District Adminstration kila khang pyrshah ban tih maw khlem da ioh ia ka jingbit na ka sorkar katkum ka Minor and Minerals Concession Rule jong ka sorkar jylla, hynrei kine ki jaka tylait maw kiba dang pyniaid haduh mynta ki khlem but ia ki kyndon bala buh da ka sorkar.
La ong ba ka jingleit jong ki ban jurip halor ba kila ioh ia ki jingujor na ki briew bad la ong ba bun na kine ki jaka tylliat maw kim don ia ki kot ki sla, baroh kiba trei ia kane ka kam ba leh beain na liang jong ka seng kan ia leh ban khang ia kine ki par maw bad ki jaka tyllait maw beain.
U bah B Shakhwa u wei na ki nongkit kam ka seng u la kam ba ki don ki sakhi satar bad ka seng ban pynshisha ia kane ka jingleh beain, na ka liang jong ka seng kila ring ruh da ki bideo ia kane ka jingiaid beain bad mynta ka sngi kila phah khang ia kine ki jaka tyllait maw beain.